最近于正嘅熱播新劇《延禧攻略》畀TVB成功購入，由香港緊急配音后順利播出。
misshk睇咗下網友們嘅評論，仲系好評、期待新劇情嘅人居多~
雖然而家內地自制劇嘅水平依舊參差不齊，但都逐漸得到咗好多人嘅認可。
喺呢次熱播劇中，1997港姐季軍出身嘅佘詩曼因飾演嫻妃一角，再度收獲大批關注！
要講呢幾年丫，內地娛樂圈確實掀起咗一陣“返巢、復出熱”，眾多港臺藝人紛紛離巢轉向內地。
除咗今次復火嘅佘詩曼之外，讓misshk關注嘅仲有1998年港姐冠軍出身嘅向海嵐。
提起呢個名大家可能唔系好熟，但向海嵐當初飾演嘅楊玉環一角，系九十年代人心目中嘅經典形象之一。
當年嘅向海嵐不僅收獲1998年港姐冠軍殊榮，重將最上鏡小姐，都會動感大使同環球美態大獎共四料大獎一齊收入囊中，真·大熱摘冠！
向海嵐同年仲參加咗“國際華裔小姐”選美，獲得國際華裔小姐季軍。
冠軍系先從“降頭”里行出嚟嘅葉璇……
嗯，不過向海嵐得到呢份大獎后就一直畀香港網民們群嘲，因為觀眾覺得向海嵐本人生得唔靚，仲有下巴“兜”。
香港網民們覺得長成噉都可以奪冠，肯定系“靠關系”！
大家一定想問靠咩關系呢？
你哋再睇下佢姓“向”覺唔覺得好眼熟~
向華強、向華勝呢兩個名想必了解香港娛樂圈的人們應該都知。
唔知misshk就喺呢度再簡單介紹下……
向華強與向華勝畀港圈內稱為向氏兄弟，兩人老豆系國民黨軍情報機構少將向前，曾喺五十年代初期嘅香港創立黑幫組織“新義安”。
1953年，向前畀港英政府驅逐出港。自此之后就一直居住喺臺灣，臨走嗰陣將幫會事務交由大仔向華炎同七仔向華波打理。
向前一共13個仔，娛樂圈內熟知嘅就系十一子向華強與老幺向華勝二人。
向華強，香港娛樂業大亨，擁有出名嘅“香港永盛電影娛樂有限公司”。
當年向華強通過電影宣傳，極力噉美化幫派，令到唔少后生仔競相模仿。
系喇，向華強佢老婆陳嵐系前兩年同周星馳撕逼，曝周星馳五宗罪并要求對方10日內畀自己答復嘅嗰位。
向華強當年仲客串過《賭神》入面嘅“龍五”一角……
而老幺向華勝與阿哥向華強一齊創辦永盛，曾一力捧紅周星馳、成龍、張敏等著名藝人。
之后喺港圈影視走向衰落時期之后就轉嗮行做金融，2014年因病去咗賣咸鴨蛋。
當年向華強嘅公司一直有被傳同黑路有關，兼夾喺1992-1994年嘅三年間，香港警察公司接報涉及娛樂圈嘅暴力案件多達二十多宗。
其中以徐克工作室畀擲燃燒彈，劉德華畀勒收保護費，《家有喜事》喺發行前菲林畀搶走同電影制片人黃朗維、蔡子明被殺等案，最為轟動。
聽講當年媒體就有隱射過其中個別案件與向氏兄弟有關……
當年向海嵐就系帶住個姓，所以一直被傳系向華強嘅侄女，但后來已經畀向海嵐本人否認。
實際上向海嵐要論關系嘅話，佢同鄭嘉穎先至系真有關系。
鄭嘉穎嘅遠房表弟系香港主持人王志賢，向海嵐系王志賢嘅表姨，所以向海嵐同鄭嘉穎就系表姑侄嘅親戚關系。
大家霖清楚未呀？
即系話，向海嵐同向氏兄弟家族系冇任何親戚關系嘅。
不過就算人哋自己澄清過，而家嘅網上嘅明星關系都有向華強嘅頭像喺上面。
自向海嵐港姐奪冠之后就順利與無線簽約，開始自己一帆風順嘅星途。
喺《楊貴妃》中嘅楊玉環、《帝女花》入面嘅陳圓圓、TVB版嘅《蕭十一郎》嘅沈璧君，向海嵐嘅每個角色都系絕世美女。
2000年，佢同江華主演嘅《楊貴妃》播出后直接攞下當年香港收視榜首，喺香港地區創落咗36.2%嘅高收視！
就好多人心中嘅港劇楊玉環形象都以向海嵐呢版為標榜，向海嵐劇中優雅大方形象讓misshk印象深刻~
之后，向海嵐與江華呢對螢幕CP仲合作攝影咗電視劇《鳳舞香羅》，劇中向海嵐演格格“寶翠瓏”。
演完好角色嘅人就會諗嘗試反派角色，所以向海嵐隨后喺《無頭東宮》《胭脂水粉》等劇中，開啟咗自己好壞人無痕切換嘅精彩演技。
呢一嘗試令到向海嵐一舉獲得《TVB周刊最強人氣大獎》嘅“最強人氣奸人王”，畀觀眾送上“奸妃第一人”嘅銜頭。
睇睇人哋嘅眼神戲，hold住氣場！
雖然當年網友們對向海嵐真系鬧唔停，但都說明佢飾演嘅角色系真嘅深入人心。
噉一位順風順水嘅女演員，喺事業如日中天嗰陣就揀離開無線并宣布離開娛樂圈。
隨后，向海嵐正式入駐瑞安集團嘅上海新天地擔任公關做嘢，擰轉身成為月入5萬嘅職場白領。
喺向海嵐離開后，有媒體曝出向海嵐因性格耿直唔肯擦管理經理人部門樂易玲嘅鞋，咪畀雪藏，而向海嵐對此不滿所以揀離開無線。
但其實系前兩年向海嵐本人都有解釋，當年離開無線嘅主要原因。
向海嵐表示，“做藝人呢份工好唔穩定，并唔系努力爭取就有，加埋同公司睇法都有分歧，於是決心轉行做OL。”
向海嵐呢段息影嘅時間一直持續咗快四年，直至2012年尾，向海嵐正式與內地經濟公司簽約復出。
喺呢期間呢，向海嵐除咗攝影電視劇嘅工作之外，重參演咗數部舞臺劇。
系喇，佢仲客串出演咗《何所冬暖，何所夏涼》里女主嘅后媽沈晴瑜呢個角色。
misshk覺得向海嵐嘅呢張相完全睇唔出年齡，氣質仍舊不減當年呀~
大家既然都睇到呢度，咁就趁手幫呢個前半生“也無風雨也無晴”嘅TVB女神，轉發分享再走拉！
Like MisshkNews Facebook！不出门也能知天下事～
