黃翠如嘅伴娘竟然唔系TVB藝人？佢竟然系大馬視後

前港姐黃翠如同TVB小生蕭正楠日前喺峇里島補辦婚禮，兩個人互相喺IG告白甜蜜爆燈！婚禮簡單得來又好溫馨，佢哋都只邀請咗摯親出席。

蕭正楠嘅伴郎系曹永廉同黃祥興，而黃翠如嘅伴娘唔系香港娛樂圈中人，而系嚟自大馬嘅女藝人Debbie吳天瑜！

好多人都好奇點解黃翠如嘅伴娘唔系TVB藝人，而系吳天瑜？除咗屋企人之外，吳天瑜系唯一獲邀嘅娛樂圈人。

其實兩個人喺出道開始就已經相識十幾年，感情深厚，仲不時結伴去旅行，吳天瑜系華裔小姐冠軍兼大馬視後，曾經代表馬來西亞嚟香港參加國際華裔小姐，同屆冠軍系葉璇。

黃翠如曾經喺社交平臺發帖，

「2018年，完成了很多美好而帶點瘋的事，包括帶著這個大肚婆出走。還記得那一年，我們剛出道不久，在橫店的大街上跟影碟老闆娘講著二元的價。還記得你要離家出走，我和你把家中一世都穿不完的高跟鞋塞入紅白藍膠袋。還記得我要飛過來給你驚喜過生日，然而我記錯日子，在你生日過後才到。還記得你每次流著堅強的眼淚告訴我你的苦，而我留著軟弱的眼淚，給你罵醒又罵醒。」

舊年吳天瑜結婚生子，人生踏入另一個階段，而黃翠如都結咗婚，兩個人而家都好開心。