18年前《封神榜》中母子情深感動觀眾,而家兩個人再次合作

以《封神演義》呢部小說為題材嘅電視劇目前一共有11個版本,2001年由陳浩民、苑瓊丹、溫碧霞等人主演嘅TVB版《封神榜》絕對系經典之一。

TVB版《封神榜》除咗傾國傾城、奸到出汁嘅蘇妲己(溫碧霞),仲有哪吒(陳浩民)同殷十娘(苑瓊丹)嘅母子情深,十分深入民心。

最近呢對經典“母子”再度合作,只不過唔系喺TVB,而系最近喺內地上畫嘅網絡大電影《濟公之降龍有悔》,這已經系陳浩民第三次喺網絡大電影中飾演濟公,母子兩個喺套戲入面都有唔少對手戲。

今次重遇,陳浩民笑言:“內地遇上TVB拍檔,特別有親切感,苑瓊丹就更加唔使多講,兩人仲有講唔曬嘅話題!”

但陳浩民離開TVB后,喺內地系靠一系列神話劇闖出名堂,呢啲劇雖然收視高,但無一例外系爛劇,劇情沙塵做作,唔符合邏輯,陳浩民直頭成為咗“爛劇專業戶”。

當年陳浩民第一部劇就系《天龍八部》上演風度翩翩、貴族氣質十足嘅段譽,仲對王語嫣癡情一片,迷死唔少劇迷。后尾嘅《西游記2》、《人龍傳說》、《封神榜》呢啲古裝神話劇都系經典中嘅經典。

TVB古裝神話劇成就咗陳浩民,都毀咗陳浩民。過往嘅經典太深入民心,令到陳浩民嚟到內地后,接嘅劇九成都系古裝劇,或者連內地導演都認為陳浩民演古裝系最適合、收視最高。

2011年時陳浩民仲攪出一個“狼吻門”,喺橫店時對女星陳嘉桓又抱又錫,更加遭阿嬌指“性騷擾唔系第一次”,最后拖著大肚嘅老婆出嚟,開記者會道歉先平息呢件事,形象跌至谷底。

近年嚟陳浩民影視作品產量都好高,賺得都好多,想必流失嘅粉絲都越來越多。

苑瓊丹當年喺《封神榜》中嘅殷十娘可以講系感動全城,苑瓊丹憑借演技將殷十娘對哪吒嘅母愛發揮到極致,從希望到絕望再到希望,失去一切但為咗兒子一定要堅持落去,最后都仲畀毒死收場。

嗰個成日扮丑嚟取悅觀眾嘅喜劇演員苑瓊丹,原來都可以演出咁偉大嘅母愛,佩服之余亦令人震驚。

嗰個時代嘅TVB特效差、場景稀缺,卻可以憑借演員嘅演技同實力拍出一部又一部經典古裝神話。

近年苑瓊丹以自由身得閑就會回歸TVB拍劇,2016年拍檔鄭則士《火線下的江湖大佬》口碑唔錯,仲有一套未播出嘅《街坊財爺》,睇嚟離巢后回歸讓TVB倍感珍惜呢啲老戲骨嘞。

陳浩民同苑瓊丹再度同框,真系一波回憶殺!而家越嚟越多離巢老港星返TVB報恩,早幾年陳浩民都放話想返TVB拍劇,不過而家仲無下文,唔知仲有無機會睇到佢哋喺TVB再度合作,重續《封神榜》母子情呢。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *