深得到觀眾歡迎嘅朱千雪喺2012年香港小姐競選贏得季軍，最近宣布與圈外醫生男友結婚，幸福美滿，但同人唔同命，同屆嘅亞軍黃心穎早日爆出「安心偷食」單嘢敗走演藝圈，前程未卜。
其實2012年港姐堪稱美女溫床，有大批索女參加，正所謂“十年人事幾番新”，有人繼續為星途努力，有人已經結婚生B。
1、張名雅
2012年港姐冠軍，入行後星途唔算順利，多數飾演茄哩啡，2016年與圈外律師男友結婚，現時已經系兩子之母，家庭美滿。
2、黃心穎
2012年港姐亞軍，憑伶牙俐齒入行後機會不斷，曾經提名女配角同飛躍進步女藝員獎，舊年承認與TVB小生馬國明拍拖，但月前爆出偷食人夫許志安，人氣極速插水工作叫停，現時避走美國。
3、朱千雪
2012年港姐季軍，參選嗰陣已經畀捧為民選冠軍，之後飾演多套劇集重要角色，入行後繼續進修法律博士，最近宣佈與青梅竹馬、拍拖五年嘅醫生男友結婚，堪稱人生勝利組。
4、岑杏賢
2012年港姐最上鏡小姐，同朱千雪好老友，做藝人之後繼續攻讀碩士，現時任職心理輔導師，曾經與袁偉豪拍拖，現時單身。
5、湯洛雯
2012年港姐十強佳麗，資深演員湯鎮業侄女，超強觀眾緣，入行後曾經主演多套劇集，2017年奪得新加坡星和頒獎禮“最佳新人”，現時繼續劇接劇，畀睇好上位，曾經與香港先生羅天宇拍拖，現時單身。
6、林泳淘
2012年港姐十強佳麗，入行之後做主持同拍攝旅游節目為主，深得網友歡喜，現時為資訊節目《東張西望》小花主持，有一個拍拖多年圈外男友。
7、陳潔玲
2012年港姐十強佳麗，入行後多數飾演茄哩啡，2017年離開無線成為自由身藝人，曾經演出電影并有大膽演出，宜家忙住其Party Room生意，較少幕前演出。
8、陳華鑫
2012年港姐十二強佳麗，畀認為系外形最畀低估嘅落選港姐，但星途唔順，一直未有重要角色，舊年初佢與圈外男友結婚，年尾誕下一女，相當幸福。
9、陳婉衡
2012年港姐三十強佳麗，未到泳衣環節已經畀淘汰，入行之後主要做主持，2014年開始喺旅游節目中展示身材，憑E Cup上圍成功吸引大眾目光。
10、簡淑兒
2012年港姐三十強佳麗，2015年組成女子組合少女標本，拍過唔少劇集，憑甜美笑容獲封為宅男女神，但曾經多次被畀整容，最近正式與TVB簽經理人合約，成為「TVB親生女」。
Like MisshkNews Facebook！不出门也能知天下事～
