2020港姐「裸照」流出畀勒索,當事人…

每年一度候選港姐到參選期間,肯定都會爆出意想不到嘅黑歷史。呢屆當然都唔例外,當中現年26歲嘅麥淑螢「裸照」流出畀勒索,相中女子相當不雅。

麥淑螢參選港姐其實係由前港姐季軍莊思明提名,莊思明表示:「我哋曾經同一間經理人公司,識咗幾年,佢比我更早入公司。(識唔識佢男朋友?)唔識,冇見過!」

至於麥淑螢被指有疑似「裸照」流出,莊思明話:「聽過以前公司嘅同事講過,佢好似發生咗一啲事,畀人P圖勒索騷擾。(有冇問過佢?)冇直接問。」

事後麥淑螢接受記者訪問,佢表示:「其實呢件事我三四年前報過警喇,嗰啲真係唔關我事。」

麥淑螢自從大學畢業之後,佢以跳唱歌手身份出道,曾經係香港女團HKG(Hong Kong Girls)成員之一,曾經參與演出三套網絡電影,其中一部同胡楓合作嘅《5個女孩2個爸》。

之後麥淑螢轉戰「公仔箱」,喺亞視擔任節目主持,佢同梁思浩、朱慧珊等前輩合作過,歌手、電影、主持工作都有涉獵,累積唔少幕前經驗。

而麥淑螢亦曾經有傳同富二代陳嘉華拍拖,但男方只係公開認係鄰居關係,否認戀情。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *