2020年香港小姐競選經過兩輪淘汰之後，十六強順利誕生，而隨著入圍佳麗名單公佈，一眾佳麗即時畀網民極速起底，當中仲有唔少大熱門畀人狂爆黑歷史。
現年23歲嘅陳楨怡擁有一米七身高，加埋模特兒身形，以及四十二吋長腿，唔怪得畀網民視為呢屆嘅三甲大熱。
但陳楨怡卻畀舊同學爆料指私生活唔檢點，讀書嗰陣爛玩爛蒲仲成日收兵，更同「TVB小花」戴祖儀嘅前度拍拖，惹來搶人男友嘅疑云。
另外一位佳麗陳煦凝，佢身高雖然得一米六，但勝在五官標緻、身材玲瓏浮凸，同樣畀網民視為三甲之一。
爆料者指，昔日後生細女嘅陳煦凝，已經係出名嘅私影模特兒，并活躍于動漫cosplay界，幾年前佢仲為一本叫《私圖》嘅寫真集，著上白色底褲拍封面。
之後，陳煦凝再畀爆出曾經改名陳紫瑩，又喺一間本地電競公司做過，疑似同身家過億嘅富三代兼電競公司老板鍾培生拍拖。
另外，爆料者指陳煦凝平日周身名牌，帶幾十萬嘅勞力士手錶，形容佢收入同職位唔相稱，對于各種指控，陳煦凝解釋自己係一個理財策劃顧問，經濟好時月薪達八萬，而且為咗選美而放棄高薪厚職，又否識鍾培生。
網上公開陳煦凝讀書嗰陣嘅相作對比，究竟有冇整容，可能就當事人知道啦。
Like MisshkNews Facebook！不出门也能知天下事～
