30年前參選港姐,仲嫁埋畀「常威」

日前喺TVB深夜時段重播嘅處境喜劇《卡拉屋企》,由吳鎮宇、李婉華、楚原、盧宛茵、黎海珊、歐陽震華等人主演,係唔少香港人嘅集體回憶。

《卡拉屋企》主要講述退休警務人員「白頭佬」黃家景(楚原飾)及其屋企人所發生嘅平時大小事為主,除咗拗氣冤家黃蒂(李婉華飾)同「泰臣表哥」廖通泰(吳鎮宇飾)嘅感情線夠火花。

另一焦點就係林鳳琪(前港姐翁慧德飾)同劉青山(歐陽震華飾)關係。

翁慧德憑借其「5呎11吋高嘅人妖」,同埋其「老虎乸」造型成功入屋,讓觀眾留低深刻印象。

唔講唔知道,原來翁慧德係港、德混血兒,自細喺德瑞國際學校接受教育,喺美國大學完成建筑學位之後,喺1989年返香港參選港姐。

同屆嘅冠、亞、季軍,分別就係陳法蓉、朱潔儀同梁佩瑚,有報道指當年嘅港姐內定冠軍係翁慧德,不過最後由陳法蓉奪冠。
而翁慧德憑借其身高,喺所有佳麗中突圍而出,佢仲攞咗「最上鏡小姐」、「最佳泳衣演繹獎」兩個殊榮,仲因為其混血兒身份同獨特氣質震撼全香港。

喺參選港姐之後,翁慧德獲得TVB力捧,佢同陳法蓉、朱潔儀、梁佩瑚一齊拍攝富士菲林廣告,更拍檔邱淑貞、周慧敏、張敏拍攝電影《精裝追女仔3之狼之一族》,更被稱為「四大美人」。

喺1990年,翁慧德畀TVB派去海外參加世界模特兒大賽,雖然冇贏得任何獎項,但從而開展其模特兒生涯,更加喺1999年被選為「香江十大名模」之一。

之後,翁慧德同臺灣武打藝人、曾經飾演《九品芝麻官》嘅常威(鄒兆龍 曾用藝名倪星)於1999年喺美國拉埋天窗,於2003年誕下一對龍鳳胎之後淡出娛樂圈。

直到2017年,佢老公鄒兆龍畀爆出疑似連環出軌,不過翁慧德就發出聲明力撐老公,指所謂嘅出軌只係炒作,經過呢件事會更加珍惜對方。

Like MisshkNews Facebook!不出门也能知天下事~

發表回覆

你的電郵地址並不會被公開。