33C港姐宣佈隱退,放棄3萬月薪闖金融界

「TVB小花」陳睿雯(Cherub)喺2016年參選香港小姐,選美結束之後獲簽約TVB正式入行,陳睿雯憑借33C火辣身材成為《3日2夜》主持之一,更成功俘虜一班男粉絲。

但呢排陳睿雯卻宣布離巢TVB,佢接受訪問嘅時候就解釋離巢原因:「其實我諗咗好耐,主要係自己都想試多啲唔同工作,又有朋友提議轉行,再加埋爹哋媽咪想我30歲前結婚,所以先想搵一份穩定嘅工作。」

(記者問到陳睿雯同行內人拍拖唔好?),佢話:「我鍾意專業人仕,醫生、律師、金融嘅,因為我好鍾意一啲聰明嘅人,哈哈,但係我仲未有對象吖!」

陳睿雯話:「自己偏愛專業人士,先會對男朋友產生祟拜感,而且我覺得拍戲嘅人好情緒化,冇咁穩定。」

(記者問到陳睿雯係唔係因為人工問題而離巢?)佢就表示:「加入TVB三年嚟,收入都唔錯,平均月入三萬咁上下,講真我都唔係好需要錢。」

不過陳睿雯本身都好勤力,佢為咗一啲服裝品牌嘅廣告,仲會自己抽空出街影靚相。

陳睿雯透露:「離開TVB之後會闖金融界,因為我本身係讀市場營銷,所以會做返嗰行。」唔理點樣,都係希望陳睿雯喺之後嘅事業上可以有所成就,加油!

Like MisshkNews Facebook!不出门也能知天下事~

發佈回覆

你的電郵地址並不會被公開。