36E落選港姐半裸曬「火辣波邊」!因情傷狂派錫士比堅尼福利,“洶涌”向偷食前度示威

TVB咪神陳婉衡(Alycia)有副靚Body,所以從來唔孤寒,經常喺社交網站狂貼36E火辣身材相,深坑「事業線」、長腿同心型美臀靚圖無限量提供。較早前,Alycia上載一張紅色火辣三點式照兼貼文鬧爆前度因為劈腿而摧毀咗對佢信任,仲話「喊過後,教佢上咗寶貴一課!」咪神形容而家感情現狀系「Very Single」。

寄情工作的佢之前趁出外公幹的時候,喺酒店自拍咗一輯索爆半裸牀照「示威」,只見祼背Alycia躺臥大牀上擺出誘人甫安士展現完美S身形,「一支箭」圖案紋身襯托滑溜玉背,錫士度爆燈,巴打們應應該睇到好扯「火」。

對于發文炮擊,陳婉衡就唔想多講,亦唔認佢矛頭指向前度:「系我生命中好close的人,冇話系我前度,只不過當時聽到畀人呃消息好唔開心,有感而發分享感受,其實心情已經好翻啲,唔想多講,大家放過我啦!。最近忙搬屋,時間幾充實,唔識太急于拍拖……(系咪畀前度hurt過?)都hurt過吖!我覺得每段感情系有付出的,點樣都好,分咗手大家都會hurt,而喺hurt過程中總會學到啲嘢,當上咗一課咁諗會開心啲。(影牀照嚟示威?)我只系自high,過嚇癮啫,畀人影得多,開始對影相有研究。」

冇感情包裹的Alycia鐘意做乜就做乜,之前喺外地做埋嘢翻酒店,見房又大又靚,加埋有妝有頭,忽發奇想就要除衫影相。「我參考好多ig model嘅影相角度,用自備嘅輕便腳架set好機位同角度,再下載手機自拍程序去影,手機Apps真系好偉大嘅發明,影到O唔OK先?其實靠自己影相嘅方便又安全,影得唔好又唔使赖人,而且我又驚丑,唔習慣剝衫畀人影,今次小試牛刀,試嚇自己嘅技術,滿足自己嘅分享症。」

Alycia從未出過寫真集,夏天將至,問到今年暑假可會考慮?Alycia坦言曾有人同佢招手,但冇深究影乜:「啱啱考咗個健身教練牌,反而有意出本結集健身貼士、修身心得嘅靚相集,着Bikini系唔少得嘅,咁「祼后」都ok,最緊要系健康錫士,大原則系誓保三點!依家我27歲,希望30歲前達成心愿,趁青春留倩影,等我操fit啲先啦。」。

對于擁有36E、24、34葫蘆身形,Alycia竟然唔多心足:「比ig model,人哋有前有后,睇到連女人都流口水呀,我仍然努力中,最低限操到腹肌再實啲、股肌漲同挺啲。呢期我鐘意健身,操開背部線條都幾靚,不過,我最鐘意系條小蠻腰,覺得條腰比個胸吸引,其實我唔覺得自己個胸有幾吸睛,哈!我諗人哋嘅focus同我有出入,希望大家眼光向低移,過咗『障礙物』就會見到我全身最吸引嘅部位。」

Like MisshkNews Facebook!不出门也能知天下事~

發佈回覆

你的電郵地址並不會被公開。