37歲港姐產后出院揚言封肚唔再生:再生連屋企都要拆咗

前個月試過30號剖腹誕下囝囝嘅葉翠翠,今日由老公同大仔接出院,一家四口溫馨合照,老公更輕吻翠翠。

翠翠身穿露膊裙與四吋高踭鞋示人,精神爽利,佢稱BB足月出世,有九磅重,佢都意想不到:「bb一出世,醫生抱佢就話BB實有七磅幾,點知攞去磅系九磅。今次生仔冇上次咁驚,我上次都系開刀生,雖然局部麻醉,但都好痛,呢次我同醫生反映喇,佢畀咗麻醉氣我聞,成個過程唔痛,好舒服。」

至於會否再追女?翠翠即刻玩手扭頭:「唔會,兩個已經夠曬,今次佗得好累,又要照顧大仔,但我又抱唔到佢,個心都好唔舒服,兩個都夠。其實我系鐘意女,但而家社會好危險,生女好多嘢要擔心。」
佢揚言要封肚,冇計劃生第三胎,意外都要逃過:「老公有話生個女,但系如果再生都唔系女點,再生仔真系連屋都拆咗!」

翠翠指BB大食,會喂人奶之余,都要補奶粉:「補奶粉都要三四安士,我諗我要努力,但我唔主張畀太大壓力自己,只使唔使餓到BB,我唔介意補奶粉。」期間呢,佢以紙巾抹眼,佢澄清:「我唔系感動,系有嘢吹入眼啫!」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *