44歲TVB當家小生「陪跑論」引熱議 談及結婚坦言要講時機

臨近TVB萬千星輝頒獎典禮,唔知大家心水嘅藝人有冇入圍角逐各大獎項呢?咁新加坡同馬來西亞兩地嘅視帝視后都已經喺臺慶嗰晚頒發,分別就由袁偉豪同黃智雯“起雙飛”奪得,而呼聲最高嘅馬國明幾乎系全場“all IN”,但系依舊例牌陪跑,同視帝失之交臂。

咁較早時,馬國明喺接受采訪嗰陣曾表示自己似系“領跑員”,佢話:“領跑雖然跑第一,不過贏咗唔會攞獎,而系畀隔籬嗰個攞,其實邊個攞獎我都開心,大家都系識咗好多年嘅朋友,我之前都攞過好多獎。”

該言論一出,瞬間引起咗熱議,而原來嘅意思都好似畀曲解,日前馬國明就出席咗打機活動,佢就親自解釋咗“陪跑論”嘅意思,佢就澄清表示:“我話我參加頒獎禮嘅心態好似領跑員,好享受演戲,對邊個輸贏都冇乜感覺,唔系話其他人就好差。”

馬國明入行多年以來一直都默默耕耘,觀眾緣好好嘅佢,雖然一直未有取得視帝嘅有關獎,因為佢不爭不搶嘅性格,更畀一眾網民稱為“佛系視帝”。

對于“陪跑論”引起小風波,馬國明就笑話:“呢系好事,因為有話題可以講,不過我睇到報道重要P個太陽眼鏡喺袁偉豪面上,千祈唔好曲解,唔好代入任何人嚟我比喻上,邊個攞咗獎都無所謂,我驚袁偉豪唔開心,不過同佢好熟,我知佢唔會嘅。”

而馬國明同黃心穎兩人而家感情穩定,重畀多次催婚,馬國明都表示,希望可以多賺啲錢,唔知系咪喺為兩個人嘅未來做打算呢?至於圣誕禮物方面,提議買戒指時,馬國明就笑說:“好似嚴重咗,未有傾到呢個問題,所以要賺錢羅,鄭嘉穎嗰只好貴,要講timing(時機)嘅。”

馬國明仲話:“而家拍完《飛虎2》就原先班人拍《降魔的2》,無時間去旅行,喺香港有時間就出去活動啦。都希望同心穎情侶檔。”

今年44歲嘅馬國明入行都已經十九年嘅時間,期間都參與演出咗唔少嘅經典劇集,演技備受肯定嘅佢,更加系收獲咗一班忠實嘅粉絲。唔理點,都系希望佢,可以喺跟住落嚟嘅TVB萬千星輝頒獎典禮中能夠取得如意嘅成績,加油!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *