5億駙馬為咗見證仔仔成長,坦言要好好珍惜時光!

近年嚟,TVB小生黎諾懿憑借處境劇《愛回家》馬壯一角崛起,喺《不懂撒嬌的女人》入面嘅賤男角色深入民心,同后來因為《BB來了》反應好夠體貼,更被邀請拍攝《BB來了》續集,挑戰視帝之位。

冇諗到英雄難過美人關,黎諾懿急流勇退嫁入豪門成為5億駙馬,舊年四月李潔瑩更為黎諾懿誕下囝囝黎峰睿(小春雞)。

黎諾懿呢排接受親子教育慈善機構「慈慧幼苗」嘅訪問分享育兒心得,黎諾懿為仔仔小春雞事事親力親為,除咗沖涼、掃風等,亦見證小春雞多個第一次。

佢話:「第一次令我最窩心,有次我睇電視,小春雞突然間喺后面攬住我,叫我爸爸,令我覺得無論幾辛苦都好值得,亦感覺到呢個小朋友開始成長。」

黎諾懿話:「最近太太話,仔仔嘅衫唔啱身,2歲小朋友大得咁快,我同太太睇小春雞細嗰陣嘅相,見到佢個樣肥嘟嘟,所以我成日都話要好好珍惜,佢而家仲同我哋一起瞓覺,抱住我叫我爸爸,4、5年之后就唔會理我,就同同學玩,唔畀我抱,呢一種好奇妙嘅變化。」

黎諾懿分享到,唔驚小春雞踏進Trouble Two,佢話:「每個小朋友都會進入Trouble Two都會麻煩一啲,因為愈多思想,愈多講嘢。我提醒自己,同仔仔做朋友,而唔係當自己係爸爸,將來發生乜事,即使闖禍都想佢話畀我知道。」

發表回覆

你的電郵地址並不會被公開。 必要欄位標記為 *