66歲老戲骨曾被TVB點名“召回家”,堅決表示拒絕回巢

近年嚟,隨著市場變化嘅發展,TVB可謂系人才流失嚴重,唔少小生花旦老戲骨均選擇離巢轉戰內地。而入行40多年嘅“駱sir”駱應鈞都系名副其實嘅老戲骨,相信對于唔少港劇迷嚟講,佢系陪伴我哋長大,但系近年嚟就好少喺TVB見到佢身影喇。

1952年生嘅佢喺畢業之后就考入咗邵氏電影公司嘅演員訓練班,但后來,因為工作量不足,就轉投TVB嘅第5期藝員訓練班,成為旗下嘅藝人。服務TVB近三十年嘅佢,喺2011年頭就離巢,簽約香港電視網絡,三年后約滿再次離開恢復自由身。

喺駱應鈞入行拍戲呢段期間呢,都有參演過唔少經典嘅劇集,譬如《黃飛鴻》、《親情》、《楊門女將》、《射雕英雄傳》、《神雕俠侶》、《雪山飛狐》、《壹號皇庭》、《天龍八部》、《西遊記(貳)》、《隔世追兇》、《法證先鋒3》、《缺宅男女》等。 雖然駱應鈞喺2011年頭就已經離巢,但原來TVB曾經搞過“召回家”嚟呼喚舊同事回巢,駱應鈞就系其中一人,佢話:“據聞當初‘召回家’只系開兩個名,我系其中一個,但我唔會返去TVB,而家適應咗自顧生涯。”

佢話:“喺TVB咁多年,已經睇通咗點玩,我哋好熟佢制度,乜嘢可以做,乜嘢唔可以做,邊D聽咗唔可以真,邊D可以當真。有時一個監制話搵你做戲,但系佢上面仲有上司,變咗完全冇刺激,冇新鮮感,樣樣嘢已知就唔好玩。”

而家駱應鈞已經主力轉戰內地拍攝網絡電影,佢都表示觀眾能夠記得自己曾經飾演過嘅角色已經好感恩。駱應鈞今年已經66歲,希望佢可以繼續畀我哋帶嚟精彩嘅作品,但更希望佢可以身體健康,一直陪伴我哋,祝福!

Like MisshkNews Facebook!不出门也能知天下事~

發佈回覆

你的電郵地址並不會被公開。