TVB力捧小生低調戀ViuTV「巨咪」小花?

最近東京已經成為藝人拍拖勝地,喺傳媒踢爆朱敏瀚秘撻華姐冠軍余思霆之後,31歲TVB力捧小生張振朗呢排又孖ViuTV「巨咪」小花、25歲有「巨咪妍希」之稱嘅楊偲泳蜜游東京。

有爆料稱日前夜晚11時半左右,二人現身新宿一間雜貨店,二個人情侶裝現身,同著黑外套,好低調。

爆料人稱:「佢哋好似普通情侶行街,冇拖手嘅,但有講有笑,見到人影相,個樣就有少少尷尬。」

張振朗舊年4月與34C咪神陳芷尤分手,但口味如一,同樣鐘意身材好嘅女仔,今年初被指撻住擁有32D爆乳身材嘅楊偲泳,但由于二個人屬與唔同嘅電視臺,所以好少提及對方,楊偲泳曾經話:「唔好影響身邊嘅人,唔好傷害我在意嘅人。」

不過,熱戀中嘅情侶好難忍住放閃,張振朗同楊偲泳連日不停喺IG貼出到日本旅行嘅相,雖然冇合照,但喺限時動態分別就貼出食海膽嘅相,又一齊睇teamlab borderless數位藝術美術館,仲喺東京街頭留影。

聽聞喺朋友聚會中認識楊偲泳嘅張振朗,對女方一見鐘情,冇幾耐就展開咗猛烈追求,好快兩個人就確定咗拍拖關系,為咗唔影響事業發展,只能夠將戀情低調處理,所以拍拖近兩個月,外界一直冇發現。

發表回覆

你的電郵地址並不會被公開。 必要欄位標記為 *