TVB力捧小生爆兒子嘔到胃抽筋,咳咗成個月,準備…

TVB力捧小生黎諾懿係「廿四孝老公同老竇」,自從與前港姐李潔瑩修成正果,育有一子組成三人小家庭之後,一家三口真係溫馨又幸福,而兩公婆經常會喺社交平臺曬仔仔嘅相,化身「曬娃狂魔」。

不過,尋日李潔瑩就喺社交平臺曬出一仔仔張相,更加發文表示仔仔唔舒服咗好幾日,好擔心佢。而唔少網民見到馬上留言為其打氣,希望「小春雞」可以早日康復,恢復昔日嘅精靈樣。

事後,黎諾懿接受訪問時就表示:「因為仔仔咳咗成個月,諗住畀啲化痰嘅嘢佢食,等佢咳啲痰出嚟,點知道佢就嘔咗啲痰出嚟,但就嘔到胃抽筋,食咩都嘔,然后帶佢睇醫生,令佢個胃放松,而家好啲啦,所以見佢瞓喺梳發睇電視囖。」

而黎諾懿仲透露較早時一家人去咗日本旅行,當時仔仔已經唔舒服,冇諗過會一直病到而家。佢話:「因為家族年年都會去日本旅行,今年去北海道,因為老婆個大嫂係日本人,所以年年都會去玩,但係今年仔仔今次就帶病過去,要病住玩,所以佢比較扭計,我哋就要辛苦啲照顧佢。”

1980年出世嘅黎諾懿,而家係TVB力捧小生之一,1998年中學畢業之後嘅佢,就參加咗第18期TVB電視藝員訓練班而入行。

而佢出道之後,馬上參與拍攝《當四葉草碰上劍尖時》,更擔正做第一男主角,因此人氣急升,備受關心。

不過娛樂圈并非一直都會一帆風順,經歷過高山低谷嘅黎諾懿,而家仲沉淀得更為穩重,更加憑借喺處境劇《愛回家》中飾演“馬壯”呢個角色,而再度獲得觀眾嘅認可,一步一步爬到而家嘅力捧小生之位。

據悉,喺跟住落嚟嘅新劇《街坊財爺》、《C9特工》、《BB來了2》中黎諾懿同樣有份演出,唔知到時佢又會畀我哋帶嚟點精彩噶演出呢?大家不妨一齊拭目以待!

Like MisshkNews Facebook!不出门也能知天下事~

發佈回覆

你的電郵地址並不會被公開。