TVB小生最新緋聞女友,竟然係「大馬長腿女神」

TVB小生羅天宇(Joey)有「女神收割機」之稱,差唔多每一任女友都係TVB女神級演員!其中就包括前度女友「靚湯」湯洛雯、陳瀅、Coffee林芊妤、茍蕓慧、高海寧等等。

羅天宇自從2018年同湯洛雯分手之後,佢一直對外宣佈單身,雖然羅天宇同湯洛雯分手之後一直有唔少復合傳聞,不過最後都畀湯洛雯否認,令傳聞告終。

不過呢排,有媒體影到羅天宇與《多功能老婆》飾演靚女老師Miss呂嘅戴祖儀(Joey),喺淺水灣餐廳食飯撐枱腳,後來兩個人仲一齊放狗兼行沙灘疑似拍拖。

事後有傳媒向羅天宇求證係咪同戴祖儀拍拖,佢回應指只係朋友,并坦稱戴祖儀因為鐘意打籃球,所以由此相識,因為有共同嗜好,所以一齊出街啫。

至於羅天宇最新嘅緋聞女友戴祖儀,今年得24歲,係星夢娛樂力捧新人,《多功能老婆》係戴祖儀首度參與拍攝劇集。


戴祖儀首次拍劇就引起關注,人氣急升,而佢嘅背景都隨之畀網友翻出,原來係嚟自大馬怡保嘅高學歷女神!

戴祖儀一家人都係嚟自馬來西亞怡保,不過佢老竇喺香港高銀地產擔任總經理,所以佢自細就喺香港出世同長大,并喺2016年于英國大學修讀法律系!

不過,戴祖儀喺實習期間覺得自己唔啱做律師,於是就從街頭藝人逐漸轉做歌手,更加喺2017年自己創立YouTube音樂頻道「HeartBeat Station」推出首支個人單曲《細看近年,那信念》!

最後,都係希望戴祖儀喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *