TVB小花同緋聞男友「結婚」,事後用酒精消毒嘴唇

「TVB小花」龔嘉欣、羅天宇、謝東閔同王敏奕,到八鄉為TVB新劇《香港愛情故事》取景,劇情講到羅天宇接新娘,同龔嘉欣以中式裙褂上陣。

由於疫情關係,部分演員拍攝打茄輪場口要借位,但兩個人表示冇借位,羅天宇更講笑指要用酒精消毒嘴唇,龔嘉欣話:「我哋好負責任,收工就返屋企,唔會周圍去,可以戴口罩就會戴。」

提到好姊妹譚凱琪公佈喜訊,龔嘉欣表示好替對方開心,但唔心急結婚:「我暫時想專注事業先,如果將來結婚,我會埋咗婚先公佈,因為想低調啲,但係我一定會做足中國傳統習俗,著裙褂斟茶畀父母。」

羅天宇畀龔嘉欣踢爆講過將來結婚想大排筵席,佢解釋因為想同好多朋友一齊慶祝,至於謝東閔首次以鬍鬚造型拍劇,感覺造型新鮮,但天生鬍鬚稀疏,所以每次都要黐鬍鬚拍攝。

發表回覆

你的電郵地址並不會被公開。