TVB小花喺《愛回家》飾演大學校花,現實中原來係隱藏富家千金

喺TVB熱播處境劇《愛回家之開心速遞》中,飾演嘅大學女神校花Venus嘅「TVB小花」鄺潔楹(Judy),因為《3日2夜》而人氣急升。

呢排,鄺潔楹除咗主持《香港美食一條街》,又被安排重新加入《愛回家》劇組,曝光率大增同時,呢排傳媒爆料指鄺潔楹家境富裕,係富家千金。

據悉,鄺潔楹除咗同屋企人一齊住大埔二千尺嘅獨立屋之外,自己名下仲擁有跑馬地豪宅以及一間投資公司,係名副其實小富婆。

對于有關報道,鄺潔楹接受傳媒訪問時透露內容并非百分百準確。佢話:“我係同屋企人一齊投資物業,因為佢哋好早已經灌輸投資觀念畀我,但我真唔係乜所謂嘅富家千金或者小富婆,如果係嘅話,我出門口應該有司機接送。”

鄺潔楹表示自己一直以來都係腳踏實地做嘢,每月有依時畀家用父母,希望大家唔好因為報道而忽略咗佢嘅表現。

對于報道中提到父母經營家私生意,鄺潔楹表示爸爸媽媽只係生意人,哥哥從事金融業。

佢話:“所以有好多投資嘅決定都係屋企嘅人負責,自己唯有叫做有啲積蓄,目標31歲可以存到首期,完全唔需要靠屋企人。雖然冇真係去睇過樓盤,但有時經過地產鋪都會睇一下,因為都要了解下樓價。”

鄺潔楹2014年畢業于西雅圖大學,返香港之後就開始做模特,曾經拍攝多個廣告。2016年佢加入TVB,主要擔任TVB娛樂新聞臺粵語主播。

2017年,鄺潔楹喺TVBJ2旅游節目《3日2夜》中因為樣貌同身材好而備受關注,同年喺處境劇《愛回家之開心速遞》仲飾演演“Venus”受到網友歡迎。

鄺潔楹多次強調自己入行到而家一直都好努力做嘢,表示自己只係嚟自“普通家庭”,好擔心畀標簽為“富千金”。

唔理係唔係真嘅富家千金,憑鄺潔楹嘅長相只要佢努力做嘢,提升演技,應該喺TVB會有好好嘅發展,加油加油。

發表回覆

你的電郵地址並不會被公開。 必要欄位標記為 *