TVB小花喺社交平臺曬「大肚相」,經手人竟然係…

「TVB小花」湯怡同洪卓立舊年11月宣佈分手,結束咗長達11年戀情,各自感情生活成迷。而湯怡尋晚喺社交平臺竟然曬出「大肚相」,仲留言話:「好多人大肚都會影寫真,我都唔例外」,究竟邊個係經手人?

相中嘅湯怡身穿黑衫黑褲,掀起上衣露出肚腩,十足十平時準媽咪影嗰種大肚相,孕婦味好濃,爭啲想留言恭喜佢,點知原來唔係真係有咗BB,只係食得太多導致。

湯怡話:「呢個肚係九月底喺巴黎時裝周養大嘅,短短幾日食到四個月咁大。」湯怡仲話之前喺香港試嘅衫,去到巴黎連拉鏈都拉唔埋,睇嚟真係食得好開心。

湯怡平時做開運動又瘦到營養不良咁,今次搞到個肚咁大,真係要好好減翻個肚腩仔喇!

作為女藝員,掀起個肚扮大肚婆,曬自己嘅丑態真係好貼地好有「吉士」,獲得粉絲大贊「So brave!」

發表回覆

你的電郵地址並不會被公開。 必要欄位標記為 *