TVB小花捱足11年終于上車做業主,親自驗樓好崩潰!

唔少藝人默默耕耘努力賺錢,就係為咗買樓置業,而TVB小花衛詩雅入行11年,以780萬港元購入一個348呎一房單位,成功上車!其實層樓早喺前年已經入手,比兩成訂金約156萬港元,正式升呢做業主。

而尋日佢就喺社交平臺發放一條片,內容就系佢化身專業驗樓師上新屋,驗樓過程仲勁認真,每個細節都唔放過。

衛詩雅自稱睇咗「詹sir」驗樓教學,所以就膽粗粗自帶工具進行簡單驗樓,點知一驗就出事,例如大門唔識自動關埋、墻上有裝潢師傅嘅筆跡、淋浴間漏水等問題都畀呢位小小驗樓師查咗出嚟。

近年喺電影界大展拳腳嘅衛詩雅,近幾年都keep住有三套戲上畫,密密做嘅情況下,儲到錢買樓自然唔系出奇嘅事,加埋佢喺網絡形象討好,好快就成為咗網民嘅新寵兒,相信冇幾耐將來就可以換大屋!

發表回覆

你的電郵地址並不會被公開。 必要欄位標記為 *