TVB小花新劇上演女子相撲,搞到對方「走曬光」

TVB古裝劇《包青天再起風云》正在熱播中,劇中有唔少攪笑情節!例如最近劇情講到妓院內舉行女子相撲比賽,飾演賽關索嘅張秀文(Sammi)同飾演囂三娘嘅細細粒陳嘉佳,作為當晚嘅重頭戲出場。

雖然兩個人體形懸殊,但主動出擊嘅張秀文即刻占上風,從後面捉實細細粒,更一下扯跌對方嘅衫,細細粒即時露出膊頭!

不過細細粒都不甘示弱,即刻還擊,兩人唔單止正面以胸部相撞,細細粒更找準時機落手,大力扯落張秀文嘅衫,搞到對方「走曬光」,露出白滑香肩,張秀文更嚇到花容失色,罨住胸前擒青飛落臺!

張秀文同細細粒為咗呢場戲博到盡,唔少觀眾睇完之後都大贊佢哋敬業,唔單止表演到位,更加不惜露出香肩,大放笑彈,令劇集多咗唔少笑點!

精彩片段大家可以欣賞一下。

發表回覆

你的電郵地址並不會被公開。