演員們有時為咗藝術都會犧牲唔少，咁TVB嘅“宅男女神”孫慧雪最近就為咗拍攝新劇而演醜角，不惜特登訂造牙套，犧牲女神嘅靚麗形象！
其實為咗拍劇扮醜，TVB都有唔少嘅藝人，好似舊年《波士早晨》中嘅何傲兒，仲有林芊妤喺《耀武長安》中演醜角、視后胡杏兒同林秀怡都曾為劇集增肥增重等…… 
咁呢鋪孫慧雪就戴上圓框眼鏡，再戴上齙牙嘅牙套，搖身一變成齙牙妹。雖然第一眼望上去的確唔似佢，但系一直都系童顏可愛嘅佢，帶上齙牙牙套就依舊可愛，網民都紛紛大贊佢造型唔似醜角，一樣得意！ 
孫慧雪就笑說：”一開始唔夠丑，所以牙齒就再搞長D，本來系要做醜角，但帶咗牙套后，大家都話好得意，牙齒就咪再搞長D羅！唔好意思，本質如此！辛苦大家啦！” 
1982年出世嘅孫慧雪，通過入讀TVB第20期藝員訓練班而入行，雖然加入公司之初多數都系擔任主持或者助手，譬如《美女廚房》嘅“飯”、《志云飯局》、《一擲千金》嘅“千金小姐”等。 
隨后開始參演劇集嘅佢，角色多數都系一啲二打六，演技開始逐漸進步嘅佢，戲份先開始慢慢重起身。譬如《師父·明白了》、《沖上云霄2》、《拆局專家》、《純熟意外》、《三個女人一個“因”》等， 
雖然孫慧雪一直深受網民喜愛，但系入行已經12年嘅佢，事業發展一直未有突破。直到前年也同拍拖六年嘅圈外男友修成正果，次年誕下愛子Riley，一家三口幸福美滿。 
唔理點樣，期待孫慧雪喺跟住《殺手》以及《機場特警》精彩噶演出，相信屆時一定會畀我哋帶嚟多啲更精彩演出，期待！
Like MisshkNews Facebook！不出门也能知天下事～
