TVB小花生日畀通知攞「服務十年金牌」,感嘆自己老咗

TVB小花林穎彤日前27歲生日,但佢當晚要如常開工,為TVB節目《娛樂大家》錄影。林穎彤喺現場獲譚嘉儀、吳若希同何雁詩等人送上生日蛋糕為佢慶祝。

林穎彤不禁埋怨自己老咗:“我27歲啦,我真係接受唔到,真係變咗女人啦!啱啱公司通知我去攞服務10年金牌,我真係老咗,真係好驚!生日愿望除咗想大家祝福我快高長大,仲有新一年工作繼續順利,因為女藝人時間唔係好多。”

(追問緋聞男友伍富橋同佢點慶祝生日?)林穎彤話:「暫時冇表示,因為我成日都要開工,做完應該都過咗生日,我暫時冇收到禮物,不過佢都有送上祝福。我想保持低調,一日未結婚都唔會認認,總之希望將來幸福。」

發表回覆

你的電郵地址並不會被公開。