TVB小花畀爆「造假」,生日買花畀自己?

TVB小花譚嘉儀日前31歲生日,人緣甚好嘅佢就獲大批藝人、好友為佢舉行Party慶祝,當中包括何雁詩、鄭俊弘、羅天宇、羅孝勇、翟威廉同周志康等人,場面相當熱鬧!

譚嘉儀喺社交平臺大曬生日靚相,見佢又收花又收蛋糕,收獲相當豐富,不過佢竟然畀爆「造假」,禮物都係佢自己買畀自己。

佢留言向好友致謝:“尋晚嘅生日Party真係好開心!一收到呢扎花嘅時候,真係好驚喜,點知威廉同阿康就話:‘嘉儀!做乜買花畀自己呀?’

笑死我……多謝你哋每一個,仲要多謝你哋畀我3個蛋糕即係有三個愿望。真係好靚!唔舍得食呀!”

睇嚟佢哋都係講笑啫,有咁多人錫點解要自己洗錢買呀,唔理點樣,祝譚嘉儀生日快樂。

 

發表回覆

你的電郵地址並不會被公開。 必要欄位標記為 *