近段時間，TVB小花江嘉敏嘅話題度可謂直線上升，繼較早前畀傳出插足王浩信婚姻嘅緋聞后，呢排又有媒體爆料佢與同劇男演員伍允龍曖昧不清！
據悉喺TVB臺慶劇《兄弟》收官之際，劇組又召集全隊人馬做咗一場宣傳活動，希望大結局嘅收視能夠沖上高點，不負大家嘅心血。原本宣傳結束后，藝人們一般都系跟大部隊一齊走，但點知江嘉敏伍允龍就結伴去咗尖沙嘴行商場，最初兩個人仲相隔甚遠，但行住行住，兩個人就毫無顧忌嘅有講有笑，見到有興趣嘅嘢，江嘉敏仲招呼伍允龍一齊去店面里面慢慢揀！ 
要講佢哋相識已久，一齊行個街似乎都冇乜關系，但《兄弟》開拍之前，兩人根本唔識，就算系拍攝期間，江嘉敏都一直同王浩信、劉穎璇玩得比較好，與伍允龍只稱得上系點頭之交，突然間咁親密，唔怪得引人遐想！ 
再加上經過媒體嘅一番調查之后，竟然發現次次劇組組織大家一齊聚會食飯嗰陣，江嘉敏多數都坐喺伍允龍隔離，傾到興起時，仲相邀佢玩親密自拍，較早時仲與伍允龍一齊接受咗黃柏高嘅專訪，雖然中間隔著劉穎璇，但點都有種欲蓋彌彰嘅味道！ 
所以，儘管江嘉敏已經對外公開有咗一個喺電玩公司上班嘅圈外男友，卻仍止唔住外界嘅揣測！ 
為免緋聞愈傳愈離譜，日前出席慈善活動嘅時候，江嘉敏就直斥報道無聊，強調當日大家約埋去商場系買禮物送人，而且同行嘅仲有另外一個朋友，但傳媒就專登只拍佢同伍允龍。好在睇報道之后，男友都覺得好笑，仲表示應該系佢同伍允龍傳緋聞，因為成日相約對方一齊打機！ 
除此之外，作為當事人之一嘅伍允龍都表示新聞純屬無稽之談，其實自己同江嘉敏男友更熟！ 
儘管傳媒嘅爆料畀否認，但系對于江嘉敏嚟講，簽約TVB將近3年時間，就先后與王浩信、黃家樂、伍允龍傳出緋聞，更畀外界冠以“姣精發電機”嘅名號，真系唔系好嘢，話曬對于電視觀眾嚟講，簡單清純嘅藝人會更受歡迎！希望以后江嘉敏能夠遠離是非，專注演技，奉獻多啲精品嘅劇作！ 
Like MisshkNews Facebook！不出门也能知天下事～
