TVB小花飾演冷血狙擊手表現搶眼,捱足八年升做副武術指導

TVB重頭劇《鐵探》進入結局篇,劇中演員嘅下場亦逐一揭曉!最新一集講到Iris(蔣祖曼飾)同江麗瑤(何佩珉飾)將連環奸殺案犯人羅彪(鄭家生飾)帶走并嚴刑伺候!

而足智多謀嘅營長(吳廷燁飾),亦發現越南女人江麗瑤同Iris有異樣,開槍將江麗瑤殺死!

其中,何佩珉由最初飾演同阿哩(林敬剛飾)深情相愛嘅純情女友江麗瑤,搖身一變成為冷血狙擊手,表現令人眼前一亮!

“我開咗三槍,都冇攞到佢條命,讓佢驚,畀佢望住我,讓佢臨死前一刻記住,越南女人系會反抗嘅。直至第四槍,我對住佢心撲落去,見到佢死唔眼閉噉,我真系好開心。”

其實現年27歲嘅何佩珉系“功夫女王”楊盼盼徒弟,佢5歲開始習武,2011年參加TVB武術選秀節目《功夫新星》奪得冠軍後入行,除咗參與唔少動作劇集演出,佢仲會親自上場做“替身”以及兼任訓練動作特技人教官!

翻睇佢嘅演繹經歷,從2012年嘅《東西宮略》開始,幾乎年年都客串茄喱啡,演員經驗好豐富啦!

何佩珉接受訪問時直認“江麗瑤”呢個角,為佢帶嚟唔少人氣,佢更笑言估唔到觀眾會記得佢角色名!

佢仲話可以同營長(吳廷燁飾)演對手戲,相當榮幸:拍《鐵探》真系好好玩,營長真系好有氣勢,好帶到我哋入戲!(冇同紅姐飾演對手戲系咪好可惜?)系呀,但系我哋都有同場,仲記得當時《功夫新星》嗰陣系紅姐頒獎畀我!(會唔會視紅姐為目標?)一定會,紅姐打戲又得,文戲又得!

而何佩珉亦透露目前正在為新劇《唐人街》擔任副武術指導,佢話:系第一次做副武術指導,系武術指導郭振鋒叫我試下!(壓力大無?)都幾大,因為監制文偉鴻想電影感,所以都用咗好多心機,開劇前一、兩個月都要訓練演員!

(做演員辛苦還系武術指導?)我覺得系武術指導,因為系連少少休息時間都冇,就算有事件,其實都睇鏡頭同教演員動作,我試過連續4日早接夜、夜接早,真系完全唔得閑!雖然好辛苦,但系見到出嚟效果都好enjoy!

樣靚身材正嘅何佩珉今年3月正式成為人妻,但佢就話暫時未有生B計劃:始終事業都系啱啱起步,諗過幾年再生B。

(平時做替身難免會受傷,會唔會少打戲?)做呢得皮外傷一定有,但其實佢哋對女特技人特別好,而且做足安全措施都唔驚!

本文轉載於HK01
本站負責轉載以及潤色本文
如有侵權,請聯繫刪除

發表回覆

你的電郵地址並不會被公開。 必要欄位標記為 *