TVB年度新人上位,邊個最先突圍而出? 

2019年即將过去,每一年TVB都會讓一啲新人有特別多機會,新人未必係第一年加入娛樂圈,可以係近幾年進入TVB,但開始喺今年嶄露頭角。

至於所謂上位,更多係喺黃金時段劇集有演出機會,有固定角色,或者係更多嘅主持機會,或者喺《萬千星輝頒獎典禮》有提名等。

作為華姐代表:余思霆、林宣妤

余思霆加入TVB兩年,宜家係「TVB親生女」,今年參與拍攝《好日子》、《她她她的少女時代》,更憑借《好日子》中Miki獲提名今年嘅《萬千星輝頒獎典禮》最佳女配角獎。

林宣妤畀譽為TVB秘密武器,雖然佢嘅廣東話未算太流利,不過已經火速上位,喺《她她她的少女代》中嘅鄰家女仔形象俘虜唔少粉絲嘅心。據悉,跟住佢更加畀委派重任,同視帝拍檔演出。

作為港姐代表:何依婷、林凱恩

何依婷拍劇機會唔多,主要做主持人為主,TVB有心栽培佢成為新一代嘅金牌司儀,例如《學是學非》、《珍惜香港 發放娛樂 TVB 52年》(臺慶節目)等都有佢嘅出現。

今年林凱恩嘅演出有《愛回家之開心速遞》、《婚姻合伙人》、《她她她的少女時代》,喺劇集嘅戲份同曝光率都好高。

香港先生代表:丁子朗

2016年就加入TVB嘅丁子朗,呢兩年先有較多演出機會,今年演出劇集有《愛回家之開心速遞》、《婚姻合伙人》同《解決師》。

喺《解決師》中,丁子朗同視帝王浩信有唔少對手戲,演出好搶眼,絕對係新力軍之一。

普通代表:周嘉洛

周嘉洛喺《愛回家之開心速遞》飾演金城安成功入屋,今年有份拍攝嘅劇集仲有《街坊財爺》,喺《萬千星輝頒獎典禮2019》更獲得4項提名∶最受歡迎電視男角色等。

歌手代表:戴祖儀

戴祖儀係TVB高層余詠珊力捧嘅女歌手,今年曝光機會報增。

2017年出道嘅戴祖儀,除咗係歌手之外,今年觀眾經常喺熒光幕前見到佢出現,劇集演出有《多功能老婆》,仲同影後楊千嬅有對手戲,絕對係今年上位新人嘅冠軍。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *