TVB新晉小花後巷密會已婚男士?本人回應大家只系…

最近憑TVB劇集《鐵探》人氣急升嘅TVB新晉小花蔣祖曼,首次飾演黑幫大嫂,喺劇中不時畀黑幫大佬當眾掌摑同侮辱,身世可憐嘅佢為咗生存要忍氣吞聲。

佢仲為咗角色形象,不惜漂染粉色頭發26次,導致瘋狂跌發,不過「陸蔚喬」呢個角就令佢成功贏得大家關注,人氣急升。

人紅肯定是非多,日前有報道指,蔣祖曼疑似與已婚風水師羅云龍過從甚密,事因蔣祖曼出席完活動,與羅云龍見面,男方主動為蔣祖曼攞背囊,二個人喺後巷食煙嘅時候,佢更親昵噉為蔣祖曼按摩后頸,見途人經過先縮手,之後佢哋到灣仔一間唐樓,直至深夜,仍未見蔣祖曼步出。

此外,風水師羅云龍亦有喺社交平臺與蔣祖曼互動,更加轉貼佢嘅報道:「好開心見到你努力做嘢,熱誠投入嘅你得到大家嘅肯定,今後要繼續努力呀!」為蔣祖曼宣傳打氣。

蔣祖曼喺緋聞出街之後,及時做出回應:「我睇咗報道,嗰日同羅師傅系去咗灣仔探一個師傅,點解大家會誤會有親昵舉動呢?

好多工作人員都知道我拍完《鐵探》,成個膊頭好累,已經影響到正常生活。見到佢同我比較熟,就讓佢幫我拎住一個手袋,按摩下膊頸啫。」

當被問及老公見到報道之後咩心情?佢笑言:「老公知道傳媒捕風捉影,佢一笑置之,因為羅師傅同我屋企人都好熟。」

2007年得21歲蔣祖曼,遇到做電影幕后嘅陳卓麒,之後就步入咗婚姻殿堂。現時已經系兩個小朋友媽媽,而大仔更加系老公同前妻所生,雖然身為繼母,但系對兩個仔女一視同仁,兩公婆互相配合工作時間,喺家庭同工作之間取得平衡。

呢排接受傳媒訪問時,佢未有提及感情生活出現問題,不過已經有半年未有貼出老公嘅相到社交網站,未知系咪婚姻出現暗涌,抑或工作好忙嘅緣故,而羅云龍亦系已婚男士,育有兩個女。

雖然喺TVB唔常見蔣祖曼嘅身影,但系佢參演嘅《使徒行者2》,讓唔少粉絲印象深刻,劇中心狼手辣,黑警“乸渣”手段層出不窮,misshk當時追劇時對佢又愛又嬲,最後畀樂少終結時又覺得大快人心。

今次嘅《鐵探》,每次佢畀羞辱或者虐打時,總系讓人憐憫不已。

入行以嚟,佢已經參與大量香港獨立電影嘅拍攝,演技屢獲好評,代表作品有《蝴蝶》、《三條窄路》、《圍城》、《酒徒》等,更畀人叫做“獨立電影女皇”。

聽聞,蔣祖曼冇歸屬經紀公司,都唔系TVB嘅簽約藝人,佢喺演藝圈唔活躍,但系演技備受肯定,冇公司嘅包裝與宣傳,佢都好少有緋聞同炒作,相信今次嘅單嘢系一個烏龍啫。

One Comment on “TVB新晉小花後巷密會已婚男士?本人回應大家只系…”

發表回覆

你的電郵地址並不會被公開。 必要欄位標記為 *