TVB新晉小花靠父幹,坦言:人哋記住我系王晶個女

日前,TVB新晉小花王子涵現身出席火鍋店開幕活動,期間受訪時,佢坦言較早時與好姊妹莊思敏原本諗住一齊夾份做運動服生意,因為自己唔明,無奈拍檔莊思敏工作又繁忙,令到做生意嘅計畫已經畀擱置。

王子涵表示:“因為莊思敏好忙,我又唔識做生意,所以我睇佢頭。(有冇蝕?)又冇,因為佢投資多過我,我同佢學嘢。因為好多嘢都冇ready,所以好多嘢都系擺住先,好多嘢未推出,未行到個步。”

問到投入咗幾多資金?王子涵透露有6位數字,佢又笑指全部系自己嘅私房錢:”而家啲嘢就擺喺個倉庫先。(嗰啲款,唔會out?)運動服飾冇咁季節性。應該會遲啲再打理生意,希望系下年嘅事。”

佢又坦言,呢盤生意系早喺兩年前已經開始搞嘅,主要系網絡經營渠道為主,暫時冇實體店面,所以經濟負擔比較細。

問到與莊思敏系咪因為關系有變而擱置生意?王子涵連隨否認,并強調與莊思敏一如既往友好,只系無奈因為大家都各有各忙,難以抽身打理網店。

提到今次出席火鍋店開幕禮,問到有無份投資?佢就笑說:「冇呀,邊有錢!(老竇王晶有嘛!)佢系佢,我系我。(有冇興趣做生意?)遲啲呀!我都想做飲食或者時裝生意。」睇嚟虎父無犬女,相信王子涵同老竇一樣充滿斗志經商!

現年30歲嘅王子涵,于2015年正式簽約喺TVB旗下發展,系人都知道,佢系著名導演王晶嘅女,作為星二代一開始都少不免要帶住老豆嘅光環而為人熟知,王子涵都曾經坦言,好多人記住咗佢,因為佢系王晶嘅女。

據聞,王子涵早年畢業于倫敦藝術大學,佢自細就鐘意表演,并立志大個要做明星。王子涵出道其實已經11年時間,原本系模特兒嘅佢,早于2007年開始接拍戲而出道,喺2008年嘅時候,佢仲曾經亮相TVB人氣節目《鐵甲無敵掌門人》。

直近年正式轉投無線旗下,開始主力拍劇,到而家已經喺多部劇集中亮相,包括《火線下的江湖大佬》、《我瞞結婚了》、《賭城群英會》、《荷里活有個大老千》等。

其中,喺劇集《荷里活有個大老千》中佢飾演丁小雨一角,人氣急升。有網民質疑佢疑似靠父幹上位,對此王子涵坦言自己都有心理準備,似乎睇得好開。

她表示:“我唔可以取悅所有人,如果我做唔到,老竇(王晶)都唔會揾我,我哋公系公、私系私,佢入行咁多年,我相信佢決定能力高。雖然有部分人鐘意將呢個“星二代”嘅標簽加喺我身上,但相信都會有另一班人,相信我系勤力嘅女演員!”

作為一個星二代暫時顯然比王子涵,更加受人關注,但亦正正因為有一個咁出名嘅老竇,王子涵需要比其他藝人付出更多嘅努力,先至可以翻過老竇呢座山吖,先至可以畀人真正睇到自己嘅存在。

據悉,喺跟住多部TVB新劇中,王子涵都有份參演,包括《廉政行動2019》、《丫鬟大聯盟》以及《唐人街》等,希望大家可以關心佢嘅演技,佢系一個好畀心機做戲嘅演員!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *