TVB熱播劇集卒之大結局,大跳廣場舞慶祝!

TVB熱播劇集《迷網》日前卒之大結局,見到姜大衛、馬海倫同埋一班街坊就喺公園大跳廣場舞,最後楊明同陳曉華更著上警察制服出場,呼吁觀眾小心騙案,真係似足警訊好有教育意義。

當中喺2018年參選港姐大熱奪冠而入行嘅陳曉華(Hera),入行短短兩年已經劇接劇,相繼拍攝咗幾套劇集包括《迷網》、《食腦喪B》、《異搜店》、《七公主》,《迷網》更加係佢嘅處女作。

不過首次拍劇就已經擔任第二女主角嘅陳曉華,佢喺劇中嘅表現未如理想,表情同演技都演繹得生硬,更加因為講對白口齒補清而飽受批評,但陳曉華勝在外型亮眼,相信再有多啲機會磨練一下演技,會更有觀眾緣。

雖然劇集主角表現一般,但一班配角演出卻令人驚喜,當中飾演飾演大學生阿菁嘅朱斐斐,同樣備受關注,更令人耳目一新!

其中有一幕講到,飾演飾演大學生阿菁嘅朱斐斐為咗賺錢加入泛奕金融集團,甚至不惜利用美色掠水,著上低胸上衣誘惑中年阿叔,成功誘騙對方開戶同簽授權書,而朱斐斐更加因為呢一幕性感場面成功彈出。

Like MisshkNews Facebook!不出门也能知天下事~

發佈回覆

你的電郵地址並不會被公開。