TVB繼續播放「黃心穎」劇,畀指復出有望

前「TVB小花」黃心穎喺今年4月份畀爆出「安心偸食」事件,事業同形象一鋪清袋,有份參與嘅劇集亦遭牽連,統統畀抽起甚至換角重拍,復出無期。

至10月,黃心穎有份參與嘅《牛下女高音》竟然可以解禁,而且更加成為今年嘅臺慶劇,好彩出街之後,反應不俗。

消失咗7個月嘅黃心穎亦二度更新社交平臺,多謝同事嘅體諒,未知係咪因為《堅離地愛堅離地》同《丫鬟大聯盟》亦同樣喺海外得到解禁嘅關係。《堅離地愛堅離地》目前喺馬來西亞嘅Astro AOD播放中,《丫鬟大聯盟》將會緊接其後于12月16號播出。

繼《牛下女高音》可以喺香港播出之後,黃心穎同洪永城、湯洛雯合作嘅《丫鬟大聯盟》,喺維基顯示亦準備喺明年1月頭安排喺香港播出。

本來《丫鬟大聯盟》安排喺舊年賀歲檔播出,但TVB當時見到《延禧攻略》收得,希望食住個勢,即刻改播《皓鑭傳》,估唔到發生咗「安樂偷食」,結果一度被禁播。

湯洛雯得知《丫鬟大聯盟》準備出街表現得好興奮,佢話:「都好開心,因為臺前幕後都好畀心機拍,同埋好耐冇睇過自己拍古裝,想睇出嚟效果係點樣。」

記者問到高層樂易玲係咪再次放生黃心穎?佢話:「乜放生?公司拍咗嘅劇咁係要出街啦,《牛下女高音》都係咁播!」

發表回覆

你的電郵地址並不會被公開。