TVB視后忙于拍劇忘記情人,富二代男友畀爆出軌女同事

啱啱結束嘅「香港國際影視展」上,TVB嘅一眾藝人都紛紛亮相,為今年即將播出嘅新劇造勢。其中風頭最勁嘅要數晉升為視后嘅唐詩詠,唔單止手握兩部大制作《解決師》《白色強人》,而且站位都系好居中,可見受重視程度之高!

事業高升之際,唐詩詠嘅戀情都零舍受人關注。自從2017年同拍拖2年嘅洪永城分手之后,網友們都在觀望畀稱為「絕世好女友」嘅佢,會唔會再畀渣男呃!不過有鑒于前幾次戀情曝光后,男方承受嘅壓力太大,而家唐詩詠都開始學識低調處理感情事。

可惜就喺佢秘密接觸一位圈外男性嘅時候,卻因為一單三車連環相撞嘅交通事故而意外曝光咗戀情,當日獨自揸車嘅唐詩詠途徑觀塘一帶嘅時候,突然有位路人從攔河上跳下,以致于唐詩詠不得不即刻煞掣,當正處于車流高峰期,后方嘅車躲閃唔切,所以造成咗三車相撞!

記者接到爆料后,快手趕到現場,雖然唐詩詠表示自己冇受傷,但都系畀傳媒們扒出咗,之前曾經喺餐廳度與開辦補習社嘅陳思銘約會,男方年收入超百萬加埋一表人才,堪稱業內公認嘅優質筍盤。儘管食飯期間,仲有一個朋友喺度,但系佢哋卻表現得好熟稔,仲一度趁住朋友上廁所嘅時間,深情對望,顯然處于愛情萌芽期!

不過為咗保護愛苗,之後好長一段時間,唐詩詠都冇再同陳思銘同框,直到今年過年期間,有細心嘅網友發現兩個人喺同一地方打卡,儘管冇上載合照,但系相中嘅倒影就出賣咗佢哋,唔難睇出,舉住相機拍攝嘅曼妙身影好大可能系唐詩詠!

就喺大家以為呢段戀情即將公開之際,點料今日有新聞爆料稱,忙于拍攝《曼谷唐人街》嘅唐詩詠癡心錯比!

原來系有路人影到陳思銘,喺屯門一帶接一個長發女性到佢所開設嘅教育學校內,疑似系同事關系,期間兩人舉止親密,相信結識咗有一段時間,其后男方更加唔避嫌,喺放工之后充當司機,等候攞車嗰陣,陳思銘突然間電話響咗,但當時佢喺度食煙排遣壓力,所以嗰位女士就主動幫手拎住手機,方便佢接聽,眉來眼去,氣氛好系曖昧!

據瞭解唐詩詠同陳思銘已經相處一年,年初仲同男方一齊去法國同意大利旅行,為掩人耳目,唐詩詠專登延后上載相嘅時間,以為可以確保兩人拍拖唔受阻!

然而因為開拍新劇嘅緣故,佢不得不打起十二萬分精神,全力以赴,所以較早前受訪時,佢都明言呢排好忙,要等三個月后再開電話,原先以為對方會好有耐性咁等,點知今日就畀爆出噉嘅新聞!

唔通唐詩詠嘅體質就系特殊?不過misshk都系希望呢一切只系誤會,話唔定嗰位女同事,唐詩詠都識呢?

Like MisshkNews Facebook!不出门也能知天下事~

發佈回覆

你的電郵地址並不會被公開。