TVB開拍全新靈異題材劇,港姐冠軍首次擔正做女主角好緊張

隨著疫情逐步放緩,TVB也逐漸恢復往日開拍新劇嘅快節奏,現時正在拍攝嘅劇集包括有《七公主》、《一笑渡凡間度》、《刑偵日記》、《BB大晒》、《超能使者》,相信總有一部值得你期待。

而TVB尋日(6月29日)宣佈開拍一部新劇《異搜店》,凈係聽劇名就知道係屬於靈異題材,相信TVB鑒于呢幾年制作嘅靈異奇幻類劇集叫好又叫座,相信都想乘勝追擊繼續開拍呢種題材,力求取得好口碑同收視。

至於《異搜店》嘅演員陣容,TVB安排後生演員擔正做男女主角,分別就有何廣沛、陳曉華、吳業坤、等人領銜主演。

講到陳曉華,其實佢係2018港姐冠軍同2019華姐冠軍,入行短短兩年就備受TVB力捧。

呢次陳曉華更首次擔正做女主角,佢坦言:「有啲壓力。」

傾到吳業坤同佢喺劇中有吻戲,但陳曉華表示:「只係錫面,暫時守得住螢幕初吻。」

談到佢喺劇中要周旋于吳業坤同何廣沛之間,陳曉華話佢喺現實生活中會揀何廣沛,因為有同對方合作過,原來佢好識得照顧人,而自己同吳業坤就冇太多接觸,所以唔會選擇。

另一方面黎燕珊喺劇中飾演陳曉華媽咪,呢幾年成為TVB劇集御用媽咪嘅黎燕珊,佢就大贊陳曉華好靚、好有禮貌。大家一齊嚟期待《異搜店》早日出街吧。

Like MisshkNews Facebook!不出门也能知天下事~

發佈回覆

你的電郵地址並不會被公開。