TVB力捧小生與港姐女友感情穩定,未計劃雙方父母見面:驚佢爆血管

咁較早時因為女友莊思明嘅姐姐獲得全球華人杰出青年獎,所以女友全家都嚟香港為愛女打氣,作為“準女婿”嘅揚明自然都有份出席啦,而莊思明喺訪問中更表示揚明深得其家長歡心。

問到阿媽對男友嘅評語,當時莊思明就話:”媽咪見過佢好多次,對佢好過對我,媽咪經常發我哋脾氣,但唔會發佢脾氣,對佢好聲好氣,對我哋呼呼喝喝,不過佢(揚明)嘅性格系好得老人家歡心,外面嘅叔叔、阿姨都好鐘意佢,大唔明嘅性格,儍傻樣!”

對此,揚明都笑答話:“咁我一直都系人見人愛,車見車載。其實世伯同伯母都好nice,聽講我一早已經過關,我早排忙開工,跟住可以同佢哋周圍去玩,佢哋會留多兩星期,當然都會陪我阿爸阿媽。”

其實喺早前嘅臺慶劇《兄弟》中,揚明嘅出色表現再次俘獲咗唔少觀眾嘅心。忙于拍攝該劇嘅佢,可謂系落足苦功,仲辛苦到“隨時隨地”都可以瞓著。佢仲上載咗幾張喺片場瞓著嘅相,留言寫道:“拍《兄弟》真系好攰,但好開心,值得嘅。”

話又返嚟,今次女友家長嚟香港,唔知會唔會趁此機會讓雙方家長見面,好促成兩個人嘅婚事,揚明則沖口而出話:“我父母好想我成家立室,好快(行動)驚爆血管,慢慢滲啲先,等佢哋有心理準備,而家雙方家長未準備好見面。”

佢仲話:“暫時未有結婚計劃,不過朝呢個方向,我平日去朋友婚禮都會取景,偷師完第日會用喺自己婚禮上。”唔理點樣,希望揚明可以繼續畀我哋帶嚟多啲更精彩作品嘅同時,都希望佢可以早日傳出好消息,祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *