呢日，「TVB宅男女神」張曦雯（Kelly）趁住天氣好，出動曬Body！佢喺社交平台大曬索爆「排骨胸」，留言話：「Hot-girl-Summer」。
張曦雯以緊身露臍裝上陣，搔首弄姿大曬完美身材，其中一張相見佢拗腰捱喺攔河度，「排骨胸」纖腰一覽無遺，火爆程度比夏天嘅天氣好熱呀！
靚相一出，網民瘋狂畀Like，短短半個鐘已經有過萬Like，張曦雯果然魅力非凡！
講到張曦雯，其實佢喺2011年開始行選美路，喺2011年芝加哥華商會親善小姐比賽上勇奪冠軍同「最上鏡小姐」。
張曦雯喺2012年國際中華小姐比賽成為第一位奪冠嘅芝加哥佳麗，喺同年7月世界小姐競選多項單項賽中獲得排名，係25年嚟成績最好嘅香港代表。
由於張曦雯自細學移民芝加哥，畢業于伊利諾大學芝加哥分校企業管理系，所以講得一口流利英文，加入TVB之後成為明珠臺《Pearl Tonight》主持。
由於張曦雯做主持笑容好、口齒伶俐，因此而畀TVB高層賞識，獲邀請拍攝2016年處女作《律政強人》飾演律師，網民反應都偏向正面，「表現以新人嚟講已經好出色！」。
當年張曦雯憑《3日2夜》成為唔少男士心目中嘅女神，獲封新一代「TVB宅男女神」。
唔理點樣，梗係希望張曦雯可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
