TVB近年嚟經常有小生、花旦離巢，導致人才嚴重流失，呢個時候啱啱係二線藝人上位好機會，當然想上位梗要有人捧，最好嘅捧法梗系劇接劇。
由於較早前黃心穎出軌單嘢涉及面廣，TVB為咗收視同形象，強行撤咗佢所拍攝嘅電視劇同廣告。
所有黃心穎嘅劇集統統播放無期，連累張振朗、龔嘉欣擔正嘅《堅離地愛堅離地》突然畀CUT，而佢首部擔正做男主角嘅《婚姻合伙人》就因為呢場異動而成功出土。
喺《婚姻合伙人》播出之前，其實佢已經喺觀眾眼中印象深刻。
皆因重頭劇集《鐵探》都有佢演出，戲份唔少，而喺5月12日又以《機動部隊2019》角色與觀眾見面，真系名副其實一個星期見足6日，勢頭強勁。 
其實楊明，佢係TVB第13屆藝員訓練班學員，2000年代表香港前往英國參加第1屆《世界先生選舉》，可惜最後落選未能獲獎。
之后喺劇集《娛樂反斗星》中同康華扮謝霆鋒與王菲，扮到惟妙惟肖，畀人叫做翻版霆鋒。
楊明之後拍攝過《戀愛自由式》、《水滸無間道》等劇，但一直都係配角，甚至叫唔出名嘅角色。 
2011年楊明因為喺《誰家灶頭無煙火》中有出色表現，畀提名飛躍進步男藝員。
2014年楊明喺《單戀雙城》、《守業者》均有亮眼嘅表現，獲得飛躍進步男藝員獎。
而今年開始，佢就系霸屏王，TVB力捧佢嘅姿態都好明顯啦。 
楊明自從同拿督千金莊思明一齊之後，事業大旺，唔知系唔系背后有靠山？
Like MisshkNews Facebook！不出门也能知天下事～
