TVB御用癲婆空降《愛回家之開心速遞》，人氣CP戀情告急！

呢排，《愛回家之開心速遞》搵嚟唔少新面孔客串，「TVB御用癲婆」趙希洛憑借《金宵大廈》，喺今年《萬千星輝頒獎典禮》奪得最佳女配角，都加盟《愛回家之開心速遞》。

趙希洛更加會成為《愛回家之開心速遞》中人氣CP之一嘅龔燁（張景淳飾）同熊若水（呂慧儀飾）之間嘅第三者。

其實龔燁近期喺《愛回家之開心速遞》艷福無邊，較早時接受大龍生（羅樂林飾）考驗嗰陣，同性感女郎探Stone（李旻芳飾）「共渡春宵」。

呢次到趙希洛客串《愛回家之開心速遞》飾演龔燁前度，不過係人都知道趙希洛擅演內心復雜嘅角色。
趙希洛接受傳媒採訪時表示，唔抗拒再演“癲婆”，只要有發揮都會做，無論擔正或者係客串，自己都會盡力演到最好。

趙希洛即將挑戰龔水CP，甚至有觀眾希望佢哋戲假真做，期待張景淳、呂慧儀、趙希洛所擦出嘅火花。