前段時間《尋秦記》宣布開拍電影版，消息令唔少人感到高興！然而，回顧過往TVB亦出過唔少穿越電視劇，當中更有多套收視唔錯，你仲記得有邊幾套？
1、《情逆三世緣》
由歐陽震華同關詠荷主演嘅《情逆三世緣》唔系一部簡單穿越劇，成部劇一共有3次穿越合共三世，包括宋代、1950年代香港同現代！
呢部劇平均收視36點，最高收視37點，而歐陽震華同關詠荷更加系多年後再合作嘅劇集，噱頭十足。 
2、《張保仔》
《張保仔》講述一個現代香港女警，穿越時空返清代遇上張保仔嘅經歷，劇集由陳展鵬、洪永城同陳凱琳主演。
可惜呢部劇欠缺高水平嘅特效技術，好多劇情會讓觀眾覺得浮誇。 
3、《水滸無間道》
《水滸無間道》由張智霖、王喜、黎姿同楊怡主演，故事講一次意外後，松蔭（張智霖飾）嘅腦部受到震蕩，喚起佢前世系武松嘅記憶！
雖然呢部劇唔系百分百講穿越時空，反而系關於前世記憶為主題，但張智霖嘅出色演技，系劇中亮點之一！ 
4、《隔世追兇》
2004年嘅《隔世追兇》由郭晉安、陳慧珊、許紹雄、商天娥等人主演，故事講述郭晉安同許紹雄兩仔爺以電話穿越時間溝通，并合力阻止罪案發生。
呢部劇當年收視亦相當唔錯，高達30點或者以上，更曾經兩度畀無線回放！ 
5、《回到三國》
由馬國明、林峯同楊怡等主演嘅《回到三國》，故事講述一個現代人忽然翻到三國時代嘅經歷。
當年呢部劇平均收視達30點，而最把炮嘅系馬國明喺劇中所創嘅「港男十八式」：「裝假狗、搏大霧、起尾住、執死雞、揼波鐘、摣流攤、放飛機、爆陰毒、食住上、屈尾十、蝕頭注、搲爛腳、走精面、頂硬上、搲爛面、側側膊、拋浪頭、扮死狗」，聽得觀眾抵死又洗腦！ 
6、《超時空男神》
《超時空男臣》由蕭正楠、曹永廉、何廣沛飾演三位由明朝穿越時空嘅「男臣」擔正，故事講述三位男臣原本正送由王君馨飾演嘅準太子妃進京，點知中途畀人追殺，逃避期間意外穿越時空，嚟到21世紀。
不過呢三位「男臣」喺劇中出現唔少盞鬼笑位，以及愛情線都相當到位，呢部劇更成功令蕭正楠、曹永廉同何廣沛人氣急升！ 
7、《巴不得爸爸》
2009年播出嘅《巴不得爸爸》由姜大偉、黃淑儀、胡杏兒、楊思琦等人主演，系一套講述穿越嘅喜劇。
當年呢部劇播出之後，平均收視高達30點。大結局就引起觀眾們嘅強烈討論，皆因有人認為故仔尚未完結，亦都有部分人認為本劇為開放式結局，所以無需討論。 
8、《EU超時空任務》
《EU超時空任務》播出初期并未畀外界所看好，不過劇情隨發展變得波瀾曲折，吸引觀眾晚晚追睇同推理，大結局更加系喊死人！
同時，《EU超時空任務》系近年以穿越為主題而又成功獲觀眾熱撐嘅劇集，當中相信都要歸功劇中男主角王浩信同女主角朱千雪之間嘅愛情線！ 
當年有唔少網民封呢部劇為神劇，加埋大結局好感動觀眾，因為大家都好希望呢部劇可拍續集，再見渠頭同阿風前緣再續！ 
9、《九五至尊》
《九五至尊》喺2003年首播，故事講述喺200年前嘅清朝，正當呂四娘（張可頤飾）行刺雍正皇帝（江華飾）之時，兩個人遇上水龍卷，穿越時空嚟到21世紀嘅香港。
呢部劇平均收視高達34點，而最高收視更去到46點，極受觀眾歡迎！ 
10、《尋秦記》
《尋秦記》為無線電視34周年臺慶劇，講述香港警務處要員保護組警員項少龍，喺一次時光機嘅科學實驗入面，畀送返戰國時期嘅故事。
劇集喺2001年時創下收視佳績，自此成為神劇！呢排，古仔更喺《影視博覽2019》上帶領林峯、宣萱、郭羨妮、滕麗名、雪兒等原班人馬登場，宣布開拍《尋秦記》電影版！ 
以上咁多部劇集，你最鐘意嘅系邊一部呢？全部睇過嘅舉手！
Like MisshkNews Facebook！不出门也能知天下事～
