TVB民間視後唱歌畀批狂走音,回應我仲有進步空間

TVB懷舊音樂綜藝節目《流行經典50年》經常會邀請TVB藝人上節目唱歌,一班演員雖然唔係歌手出身,但有時都會令大家有驚喜,或者令觀眾好有新鮮感。

日前播出嘅一集就由黃智雯(Mandy)壓軸演唱一曲《唯獨你是不可取替》。

黃智雯已經畀認定為實力派演員,而且舞藝高強,今次挑戰唱歌,實行做全能型藝人,佢唱出樂壇天後鄭秀文(Sammi)嘅經典情歌《唯獨你是不可取替》,呢首歌嘅啲歌詞好甜蜜,相信一定冧爆一班現場觀眾。

黃智雯唱歌時有啲跟唔上拍子,不過就笑容搭救,網民嘅意見分為兩極,有粉絲就大贊好聽。

不過都有唔少網友持相反意見,表示“走曬音”、“完全唔得啊”同“係咪唱快咗?點解我覺得同旋律唔搭嘅”等等,睇嚟真係各花入各眼。

黃智雯舊年憑《三個女人一個因》獲得馬來西亞,新加坡嘅視後,畀封民間視後。

黃智雯曾經喺2013年參加TVB舉行嘅歌唱選秀節目《星夢傳奇》,喺首集唱出《愛是最大權利》,但就同張名雅成為獲得最低分嘅2位參賽者而喺首輪比賽畀人淘汰出局。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *