TVB第9期藝員訓練班聚會,睇下你仲識得邊個?

現年44歲嘅張智軒自從從TVB藝員訓練班畢業之后,咁多年嚟參演過唔少劇集,但都係以閑角為主,直至舊年佢決定離巢,離開做咗24年嘅TVB。

雖然張智軒離巢主力喺大陸發展,但佢返香港都會約埋一班昔日好友敘舊,呢日佢就同第9期藝員訓練班嘅同學聚會,當中包括鐘麗淇、彭皓鋒、劉家聰、李伊娜、周凱珊等人,佢話:「第九期TVB藝員訓練班,嘩原來我們已經識咗25年喇。?」

當年第9期TVB藝員訓練班仲有陳伶俐、汪琳、宋芝齡、李啟杰等人,雖然呢次未能齊人聚會,但其實一班同學仔私底感情好好,經常都會相約聚會,以下一齊睇下大家嘅近況啦!

1、張智軒離巢之後積極喺大陸發展,除咗拍劇同登臺之外,佢中有打理經營咗好多年嘅寵物店。

2、鐘麗淇近年佢已經轉行做瑜伽老師,2010年鐘麗淇和中意混血男友Nardone Ruggero結婚,宜家兩人育有兩女。

3、宋芝齡喺2005年嗰陣眼見韓風盛行,宋芝齡同朋友投資開設韓文學校,之后佢又先后開設婚紗攝影公司同韓式小食店,呢幾年再擴展學校業務,又開辦公司搞投資移民韓國生意,已經成為「TVB隱形富婆」。

4、汪琳喺2013年離開TVB,喺2008年同商人張忠弦結婚,仲喺2011年誕落大女Kesha,2014年佢再度大肚,可惜最後小產,但佢喺2018年以40歲之齡懷上細仔Lewie,終于湊成好字,宜家一家四口幸福無比。

5、港姐出身嘅陳伶俐入行就擔任《城市追擊》主持,曾經拍攝過唔少劇集,佢同首任老公林敏驄喺1998年結婚育有兩子,但最後喺2008年離婚。

2012年陳伶俐翻頭嫁新加坡隱形富豪劉頌銘,仲喺2014年生攞一個仔,結婚之后搬入過億嘅豪宅,更加獲送贈新加坡市值一億半嘅豪宅做禮物。

6、陳安琪曾經喺1996年參選港姐,入圍最后12強,佢參演《男親女愛》、《刑事偵緝檔案》同《生貴性》等,但最令人印象深刻嘅係《鹿鼎記》中飾演韋小寶七太曾柔。

宜家陳安琪已經淡出娛圈,生咗兩個細路,真係好開心。

7、周凱珊曾經喺1994年參選港姐,喺《沖上云霄》、《金牌冰人》、《刑事偵緝檔案III》等經典劇集都有演出,不過角色唔算好突出,宜家同樣做咗媽咪。

8、李啟傑舞臺劇團出身,曾經就讀香港演藝學院戲劇學院,但因為經濟問題而輟學,之后入讀TVB藝人藝訓班,畢業之后就簽約TVB,多數飾演攪笑角色。

宜家李啟傑較為人熟嘅角色應該就係喺TVB熱播劇集《愛回家之開心速遞》中飾演嘅杜演。

9、劉家聰喺1996年參加藝員訓練班而入行,佢除咗拍劇之外,亦曾經為兒童節目《至Net小人類》擔任主持,人稱聰哥哥。

 之后劉家聰過檔亞洲電視擔任節目主持,喺2016年加盟有線電視節目主持娛樂新聞。

2018年劉家聰不幸患有腦瘤,雖然使曬佢70幾萬嘅儲蓄,但終于成功戰勝病魔,好翻之后佢積極做運動,慢慢開始重投演藝工作。

2019年劉家聰重返TVB拍劇,參演咗《法證先鋒IV》、《黃金有罪》、《失憶24個鐘》等。佢仲喺《愛回家之開心速遞》中飾演接龍集團財政部嘅錦松。

10、彭皓鋒入行16年,佢多數飾演戲份唔多嘅閑角,好似收數佬、黑社會等,係TVB御用惡人直至2012年彭皓鋒拍劇機會大減,所以決定離巢轉戰大陸,并四出登臺。

2016年彭皓鋒憑借網絡電影《老師上錯身》奪得《美國荷李活國際電影節》最佳男配角,2017年佢又憑《破冰》擊敗多國對手,奪得《加拿大金楓葉國際電影節》網絡電影組別最佳男主角,揚威國際!

彭皓鋒同老婆育有三個小朋友。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *