TVB落選港姐組五人女團畀解散!靠35C上圍轉型 誓做「錫士小花」!

有無線新咪神之稱嘅阮兒(Chloe),近年劇接劇,先后拍過包括《使徒行者》、《僵》、《火線下的江湖大佬》、《城寨英雄》、《幕后玩家》同《BB來了》等,不過數數手指原來佢都入行12年,2006年成為落選港姐后,曾組成五人女團,只可惜未出碟就解散,冇緣一展歌藝,估唔到多年后嘅今日會成為大臺錫士小花,仲同衛志豪傳緋聞!

至於2006年落選港姐阮兒系中越混血兒,自幼隨屋企人喺荷蘭定居,所以有鬼妹仔性格,同屆三甲陳茵媺、周家蔚、呂慧儀紛紛嫁埋上埋岸,唯獨阮兒浮沉12年,曾同當時同樣冇乜名氣嘅揚明拍過拖,直至14年參演《愛.回家》做羅天宇老婆先開始走紅。

近兩年,佢喺大臺演出機會不斷,包括:《使徒行者》、《名門暗戰》、《僵》、《火線下的江湖大佬》、《一屋老友記》、《城寨英雄》、《幕后玩家》同《BB來了》等。

童年跟隨屋企人移民荷蘭,家底豐厚嘅阮兒14年重回無線后,即為咗方便入伙電視城附近熱門新盤峻瀅。

阮兒最出名系唔孤寒35C好身材,成為無線新咪神,不時喺IG曬水著相。

早年同阿媽去新加坡旅行嘅Chloe,將水著照擺社交網上,畀網民激贊身材正!

2006年港姐選美中,除Chloe(前排左一)仲有陳茵媺(冠軍同國際親善小姐)、周家蔚(亞軍同最上鏡小姐)、呂慧儀(季軍)同徐淑敏(旅游大使),佢哋都已經為人妻同人母喇。

不過唔講唔知,喺2010年Chloe(圖左一)曾同四女組成跳唱組合Lacee Lacey,可惜尚未出碟就解散,令佢2012年暫退娛樂圈。

大家對Chloe喺處境喜劇《愛.回家》中演高秀蘋一角都唔會感到陌生,對此Chloe話:「呢套劇令我好有滿足感同過足戲癮,由原來冇人知我叫羊名,到出到街,個個都叫我喺劇中英文名Pinky,真系好開心。」

Chloe經五次casting,面見九位編審,同劇中老公羅天宇對戲先獲《愛.回家》嘅高秀蘋一角,「最初有網民唔like我,連導演都鬧我,但到寫我走啲網民就鬧爆無線,到寫我翻去個PA同我講今日收視最高系你,多到編審寫到個咁好嘅角色。」

當中佢更感激劉丹、林漪其、郭少蕓、黎諾懿同徐榮等教導同幫手,「佢哋教我嘅,對我第日拍劇好有幫助,而且嗰段時間,大家都相處得好開心。」此外,佢亦承認因劇集帶挈多接job機會,Instagram人數由幾千增至而家兩萬多人,可見佢成功入行,連公司都器重佢。

喺《一》劇中演胡定欣媽咪后生版嘅Chloe話:「雖然只客串六場戲,但每場戲造型都唔同,其中一場俾演我阿爸嘅修哥(胡楓)搇一巴,仲要堅搇,好彩一take就ok。」喺劇集《城寨英雄》同《幕后玩家》Chloe都有較重戲份,佢話:「喺《城》劇中我會同陳芝尤、張名雅、周麗欣飾演四朵金花,大曬姊妹情深。」而《幕》劇更加系前所未有咁好玩,「好正,系我入行以嚟拍得最癲一部劇集,張繼聰同黃宗澤都當正我好似兄弟姊妹,完全冇架,有時去阿聰屋企BBQ,又會去Bosco間蠔BAR飲飲食食,一個月切蛋糕都切幾十個,個個收到通告都好開心,甚至不舍得收工。」

31歲阮兒(Chloe)著起泳衣出海降降暑氣!由佢上載嘅相中可見,擁有34C火辣身材嘅Chloe今次著起火紅單膊一件頭泳衣,加埋一面好享受曬太陽噉,真系令氣溫再度升多幾度!

就連龔嘉欣見到啲相都亂入,大贊Chloe:「好索!」

本文轉載於香港新地網
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *