TVB視后宣佈囡囡「搶先出世」,一家三口溫馨照首曝光!

恭喜!「TVB視后」楊怡與老公羅仲謙宣佈囡囡“小珍珠”已經出世,楊怡原定下個月預產期,打算會剖腹生產,點知道囡囡搶先出世,陪佢哋一齊過母親節!

據悉,羅仲謙請咗幾日假照顧老婆同囡囡,楊怡產後有啲水腫,但精神好好,佢抱住囡囡小珍珠,個鼻似足爸爸羅仲謙,佢哋一家三口真係好溫馨

其實楊怡嘅家姐楊卓娜尋晚喺《流行經典五十年》接受採訪,佢大賣關子,就講B女可以同媽咪慶祝母親節,事實上楊怡已經順利生產,更已經返屋企休養,楊卓娜正式榮升做姨媽。

講到楊怡同羅仲謙嘅當年,佢哋因為拍攝TVB經典醫療劇《On Call 30小時》結下情緣,呢部劇都喺3月2日深夜時段重播,劇集由馬國明、楊怡、羅仲謙同黃智雯等主演。

其實羅仲謙、楊怡由一段唔畀睇好嘅姊弟戀,到拍拖4年再結婚,而家仲即將有新成員加入,兩個人修成正果,過得幸福美滿。

唔怪得當初羅仲謙仲曾經公開感謝《On Call 36小時》監制潘嘉德嘅撮合:「拍呢部劇我攞咗獎,又多咗一個老婆。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *