前TVB力捧花旦息影從商,曾經兩度離巢卻始終難逃淪落配角命運

現年56歲前TVB藝人商天娥,自從2014年拍完劇集《樓奴》離巢之后,轉眼間已經有4年時間無出現喺無線劇集中,相信唔少劇迷都想知道關於佢近況動態。

呢排,商天娥現身工展會,為自己代言嘅電器品牌出席公開活動,期間呢,佢又大贊品牌商嘅產品不斷追求創新。據悉,商天娥已經連續第十二年為該品牌擔任代言人。受訪嘅時候,談到身為演員嘅佢近年甚少拍劇,商天娥笑言其實自己都有戲癮。

她表示:「其實每一兩年我都會挑戰自己做一下舞臺劇同音樂劇嘅,我都一樣力求進步,同時又為自己一過戲癮。近年我有投資一啲小本經營嘅飲食生意,因為我同老公都鐘意食嘢,大家都可以給予一啲意見。」

1962年出世嘅商天娥,曾經系80年代到90年代無線力捧嘅當紅花旦,相信好多劇迷對佢都好熟悉。雖然90后嘅觀眾可能對佢螢幕形象停留喺媽媽級,但商天娥仍然喺劇集中占據重要角色戲份,演技深得外界肯定。

商天娥最早于1983年參加第十二期無線藝員訓練班出道,啱啱開始喺TVB做過茄喱啡一段日子,但憑住出色嘅演技好快就獲得觀眾同高層嘅重視。當年佢因為與張國榮合演嘅《儂本多情》一炮而紅,成為街知巷聞嘅演員。

之后,演藝事業扶搖直上嘅商天娥開始獲得無線力捧,幾年時間就上位成為無線當家花旦之一。80年代,商天娥主演過唔少深入民心嘅劇集,包括《鹿鼎記》、《季節》、《義不容情》等。

1990年,紅極一時嘅商天娥又開始涉足影壇,并接拍咗人生首部三-級電影《三狼奇案》,憑住該片,佢成功入圍第9屆香港電影金像獎,榮獲最佳女配角嘅提名,風頭可謂系一時無兩。

不過,時年28歲商天娥開始發現自己身材發福,而當時無線又開始改革力捧邵美琪等新晉花旦,眼睇大勢漸去,商天娥決定為自己嘅演藝事業再尋新突破。於是,佢喺1995年轉投到亞視旗下繼續發展。

喺亞視期間嘅商天娥,同樣主力拍電視劇。喺亞視佢同樣都有過唔少膾炙人口嘅代表作,比如《我和春天有個約會》、《僵尸道長II》等,呢啲劇集都系觀眾心中無可取代嘅經典。之后,離開亞視嘅商天娥又有短暫轉戰內地同臺灣發展。

直到2003年,時年41歲商天娥重新返回無線拍劇,佢當年嘅回歸之作系《隔世追兇》,呢部劇到而家亦令misshk印象深刻,真系好好睇!劇中佢同視帝郭晉安飾演一對相依為命嘅母子,與喺多年前已經過身的老公(許紹雄演)通過一個舊電話獲得聯系,因而改變老公本應慘死嘅命運。

不過,長江后浪永遠推前浪,千禧年代之后嘅TVB再都唔系八九十年代,越嚟越多嘅人加盟旗下,當家實力花旦同新晉小花多不勝數,而這時已經年過40嘅商天娥都都開始畀定型為師奶、阿媽類型角色,而且就連同類型角色嘅競爭對手都好多。最后,商天娥淪落為小配角,戲份更加少得凄涼。

2014年,商天娥宣布離巢,再次與無線結束賓主關系。而家自由身發展嘅佢,真系好少再活躍于幕前,雖然時不時會參演舞臺劇之類演出,但仲系將重心擺喺家庭同投資經營小本生意,小日子過得都系相當唔錯。

雖然,以后可能無太多機會睇到商天娥喺TVB劇集出現,作為劇迷少不免覺得失望,話曬陪伴我哋成長嘅實力戲骨。但回頭想想,商天娥今年都56歲嘞,如果可以揾到自己嘅新寄托,晚年都會過得好開心,話曬拍戲好攰,希望佢可以有一個幸福嘅晚年!

發表回覆

你的電郵地址並不會被公開。 必要欄位標記為 *