又一單因錢對簿公堂!周秀娜步佘詩曼后塵,畀經紀公司拖欠超400萬

娛樂圈經常發生金錢糾紛,呢排就有傳周秀娜控告合作多年嘅經紀公司毀約,拖欠其超過400萬嘅薪酬,更要求法庭宣布雙方簽訂嘅經紀合約失效,即刻恢復自由身!消息一出,就一石激起千層浪。

話曬自2005年拍攝寫真爆紅以嚟,周秀娜嘅嫩模形象就根深蒂固,多得咗經紀公司嘅策劃,先成功轉型為演員,先后接拍咗《西游降魔篇》《熱浪球愛戰》《婚前試愛》等電影。

今年先系憑借《29+1》呢部文藝電影入圍金像獎最佳女主角,之后又因出演TVB古裝大劇《深宮計》而得到多關注。

加埋2015年經紀公司與蕭定一旗下影視公司合并,更為佢帶嚟唔少電影資源,早前上畫嘅《泄密者》就系其中一部,點知又突然間攪出呢啲糾紛!

據周秀娜方提交嘅訴狀中顯示,2011年雙方簽約時明確表明公司按照藝人薪酬嘅60%食傭,但一定要喺代收酬勞60日內轉賬,但系拖拉之下,公司就有410多萬嘅收入未有支付。

今年7月周秀娜曾發律師信追討,就只追回其中約60萬,為咗保證自己嘅合法權益唔受侵害,只有一紙訴狀告上法庭,交由法律公平判決!

事實上,2016年佘詩曼喺拍攝《十月初五的月光》嘅時候,就因為超時補薪一事,與蕭定一公司鬧到唔開心,雖然最后阿佘唔再追究,但掌管其經紀合約嘅TVB就堅持與其對簿公堂,追討完一百萬薪酬!

當時身為老板嘅蕭定一仲對外表示冇所謂,更加直言TVB只系一家電視臺,影響唔到成個行業。

都系呢件事連累到旗下藝人張繼聰喺《誇世代》播出之時慘被封殺,無法參與宣傳以及獎項入圍,而周秀娜都畀牽連,喺《深宮計》海報上無端畀消失!

咁蕭定一究竟系何人?唔使急,聽misshk細細道嚟,身為資深編劇蕭若元嘅仔,蕭定一喺香港仲有一定背景嘅,所以自從2001年參與影視制作以嚟,事業發展得順風順水。

酷愛拍攝大尺度電影嘅佢,感情世界相當多姿多彩,以前女友李彩華到旗下女藝人石詠莉吳文忻,仲有王秀琳、姚樂怡、袁彌明、戴凱欣同名模熊黛林,不過最終卻與圈外女友陳敏結婚。

較早前畀問及港片已死嘅話題時,佢將矛頭直指TVB,坦言一臺獨大令競爭力唔夠,因為觀眾除咗TVB就冇其他選擇,就算拍得再爛,都要繼續睇。

所以為咗“治愈”呢個問題,近年嚟佢開始拍攝網絡電影、網絡劇集嚟培養一代演員。唔怪得對于TVB嘅追討不愿擺喺個心上!

發表回覆

你的電郵地址並不會被公開。 必要欄位標記為 *