愛足11年!TVB小生社交網甜蜜告白:再選一次依然系你!

TVB男藝人張穎康于2012年與太太麥雅致賀結婚,結婚之后嘅張穎康唔單止系一個二十四孝爸爸,更加系一個二十四孝老公。事關張穎康佢記住咗同老婆之間每一個拍拖紀念日。前日(1月4日)就系張穎康同老婆嘅拍拖周年紀念日啦。

所以張穎康就喺其社交網站上面分享咗佢哋拍拖時候嘅合照,最重要嘅并唔系呢張合照,而系張穎康喺發文中對老婆愛的宣言。張穎康話即使11年過去,就算重頭再嚟,佢仍然仲會娶麥骨致做老婆。不得不說張穎康真系好sweet。

張穎康留言寫道:“2008年1月4日,我哋第一次通電話,睇戲,拍拖!假設12年前,我哋喺從小學一年級開始相識,從拍拖到今日,我哋都已經中學畢業喇!如果畀我再選擇多次,我一樣都會決定在四年后,大學畢業之后,就即刻娶你做老婆!我愛你!”

現年37歲張穎康,佢早喺2001年嘅時候,就簽約劉德華旗下嘅公司出道,張穎康都畀稱為劉德華嘅“契仔”(直到而家張穎康同劉德華之間都有住不解之緣。)2003年,張穎康主演咗佢首部電影《給他們一個機會》(擔任主角嘅第一部戲)。

2006年,張穎康更加系經過咗劉德華嘅舉薦而加入到TVB嘅大家庭中。同年,張穎康就喺劇集《舞動全城》、以及《兩妻時代》中擔任配角。直至到2011年張穎康喺TVB中所擔任嘅角色大多數都系配角同茄喱啡角色。

即使張穎康已經參演過好多部嘅電視劇,但喺2012年之前,misshk可以講系對張穎康都無一個大概嘅印象。直至到2012年嘅夏天,劇集《回到三國》嘅播出,喺里面飾演戇居居嘅“范根”嘅張穎康。同時,佢都因為呢個角色,而讓更多觀眾認識到佢喇。

從此留意張穎康的misshk,似乎就發現張穎康有一段時間同“范”好有緣份,即系佢喺2013年嘅電視劇《舌劍上的公堂》中飾演“樊庚”(粵語中“樊”同“范”讀音相似)。同年喺劇集《貓屎媽媽》中飾演“范發”一角。

不過misshk對張穎康印象最深刻嘅一套電視劇,仲系2016年嘅夏天播出嘅《一屋老友記》,喺里面飾演“三寶”寶愉嘅張穎康。同年嘅萬千星輝頒獎典禮上,張穎康更加系憑借住呢個角色勇奪咗“飛躍進步男藝員”獎。

雖然張穎康身為劉德華嘅“契仔”,但系張穎康行到今日嘅地位,除咗早年有劉德華解決佢溫飽問題之外,更重要嘅系張穎康,喺TVB辛辛苦苦捱咗十幾年。張穎康噉做嘅目的并唔系為咗要名利,走紅或者系乜嘢。

佢噉做,而系要畀喺幼年遺棄佢親生父母能夠見到佢個名,記得佢,這就是點解張穎康出道咁多年,并冇似其他藝人一樣求好運改名羅。雖然幼年嘅張穎康過得唔開心,但系今日嘅佢畀咗佢一對仔女幸福嘅生活。

發表回覆

你的電郵地址並不會被公開。 必要欄位標記為 *