2018年離巢TVB嘅6位藝人,鐘嘉欣岑麗香最幸福,林夏薇最陰功!

轉眼間一年又過去,雖然娛樂圈嘅競爭激烈,稍不覺意就會被其他人替代!但系對于TVB嚟講,就仍有唔少藝人覺得無大發展而選擇離巢,當中有啲人回歸家庭,有啲人北上內地嚟掘金,仲有啲人謹小慎微,先以部頭約嘅方式繼續合作。對于觀眾而言,或者仲會喺其他途徑見到佢哋,但依舊會覺得不舍,下面就跟住misshk一起睇下有邊啲藝人離巢啦!

1、郭晉安

已經功成名就嘅郭晉安,多年嚟拍咗唔少膾炙人口好劇,更加憑借《憨夫成龍》《阿旺新傳》《忠奸人》三奪視帝,堪稱演技實力派!然而繼2015年痛失視帝之后,就有意向外發展,今年5月約滿后,郭晉安就轉投王祖藍旗下,希冀開闊內地市場。

不過鑒于鄧萃雯、林欣彤等發展不佳,郭晉安并未完全放棄香港市場,仍與TVB簽署咗部頭約,每年都會回巢拍一部劇,以保持人氣!雖然今年嘅《再創世紀》播出后口碑收視齊輸,但2019年待播嘅《白色強人》系TVB拿手嘅醫療職業劇,將會讓安仔打一個翻身仗!

2、鐘嘉欣

自出道以嚟就備受TVB力捧嘅鐘嘉欣,雖然早期曾被網友吐槽演技太爛,但自從喺《溏心風暴》中出演常在心一角色之后,就扭轉咗唔少口碑,其后又因與林峯嘅緋聞而名聲大噪!可惜2015年敗喺胡定欣手上,又畀其聯手田蕊妮當眾嘲笑,進而選擇結婚生子,唔再拍劇。

好在家美滿嘅鐘嘉欣,而家已經誕下一子一女,相較于仍舊單身嘅胡定欣而言,可謂幸福萬倍!所以今年3月合約一到期,佢就喺社交網上發布咗離巢聲明,有鑒于以往嘅栽培同痛愛,鐘嘉欣依然系與TVB保持友好關系,話唔定邊日又復出呢?

3、岑麗香

2012年以“香香公主”闖出名號嘅岑麗香,咁多年嚟喺TVB算系力捧花旦,加埋頗受商家喜愛,代言廣告、商業活動絡繹不絕,更讓TVB相當睇好!今年出演《果欄中的江湖大嫂》嘅時候,都畀力贊演技有進步!

原本以為今年可以喺頒獎禮上爭得一個獎,然而6月份就傳出佢唔再續約嘅消息!

以致于原定由佢出演嘅《解決師》都轉由唐詩詠頂上!

此后佢就即刻返回咗加拿大休養咗一段時間,期間雖然有大肚傳聞爆出,但系始終冇得到親證!時隔一個月,返到香港嘅岑麗香就自爆已經簽約王祖藍工作室,令人不由懷疑與TVB嘅之間是否有內幕!

不過就算離開TVB,岑麗香呢段時間以來都做到不可開交,廣告代言接唔停,今月頭佢更傳嚟喜訊,升級做人母,成功接替好友鐘嘉欣嘅班!

4、林夏薇

頂“林峯堂妹”出道嘅林夏薇,啱開始唔受網友待見,話佢系通過后臺上位嘅!然而2015年憑借《收規華》呢部劇,林夏薇卻成打破咗外界嘅質疑,今年又喺《逆緣》中成功塑造咗中日混血莊司晨,與陳家樂嘅一段虐戀可謂相當討喜!

然而一早同金融才俊結婚嘅林夏薇,向來事業心唔強,所以喺今年7月約滿TVB之后,佢都開始專注調理身體,希望早日誕下愛情嘅結晶!之后更有傳言稱,先生莫贊生曾表示生一個仔獎1億,不禁惹來一片艷羨!

然而最近就有人不斷喺街邊睇到張貼告示,聲討佢哋夫妻兩人,更加怒斥莫贊生系空心老倌,根本冇錢!

即管林夏薇一再否認,但卻未能避過媒體嘅深入調查,據悉莫贊生名下嘅一間洋房,早喺2016年嗰陣就以1100多萬拋售,宜家就只有一處同屋企人聯名嘅村屋房產!而而家居住嘅豪宅都系一個空殼,系屬於只租不賣嘅公寓!至於后續如何,佢會否復出拍劇,就要拭目以待喇!

5、陳智燊

2006年加入TVB訓練班出道嘅陳智燊,雖然未紅過,但TVB都畀過唔少資源力捧。2012年佢就與鐘嘉欣主演咗《幸福摩天輪》,并擔正男主角!可惜講住一口流利英文嘅陳智燊演技始終爭少少嘢,所以總系不溫不火!

儘管較早前喺播出嘅《三個女人一個因》入面有一啲轉變,但要躍居一線小生,仲有好長的距離!所以今年7月合約到期后,為咗養活一家四口,陳智燊就下定決心外闖多賺啲奶粉錢。

不過可能離開TVB嘅照顧后發展不如預期,初時接受訪問嘅時候,陳智燊都有放出口風表示如若有需要,佢可以隨時返TVB拍劇!

6、許紹雄

以“歡喜哥”紅遍兩岸三地嘅許紹雄已經入行47年,2014年憑借一部《使徒行者》,佢終于喺綠葉躍居男配角,仲罕見攞咗“最受歡迎男角色”獎,隨后又喺《使徒行者2》里擔任要角!

只系年紀漸長嘅佢,喺2月份完約之后,就移居新加坡,睇嚟系想享受幾日得閑日子!不過,大家唔使擔心睇唔到歡喜哥,因為喺播出嘅《守護神》中就有佢身影,待播嘅《鐵探》《多功能老婆》入面都有佢演出!

呢6位藝人中,邊個系你最鐘意,最唔舍得嘅?

發表回覆

你的電郵地址並不會被公開。 必要欄位標記為 *