《牛下女高音》要重拍!傳江嘉敏頂檔做女主角!

《安心偷食》嘅男女主角許志安同黃心穎都分別停工,之前黃心穎拍落嘅劇集都要易角重拍,其中《法證先鋒4》由湯洛雯(靚湯)頂檔演出,靚湯更被監制梅小青要求喼弗10磅。

而另一部黃心穎孭重飛嘅新劇《牛下女高音》,傳媒收到消息由江嘉敏頂檔重拍。

現年24歲TVB小花江嘉敏,喺2016年加入TVB,喺劇集《親親我好媽》中飾演江美儀嘅大女,劇集出街時畀網民大贊靚女又有演技,江嘉敏喺17歲喇已經拍戲,曾經主演「香港鮮浪潮國際短片競賽最佳創意獎學院組」嘅得獎作品——《喪狗與貓咪》。

《牛下女高音》全劇30集,聽聞黃心穎戲份全集都有份,由于呢部劇拍完近一年,演員發型早就已經唔一樣,重拍有好多困難。其中有份演出嘅吳岱融曾經表示,重拍唔會怨任何人,大家都想做好件事,希望觀眾可以睇到。

對于有傳接替黃心穎開拍《牛下女高音》,江嘉敏今日回覆傳媒表示:「暫時未收到通知我而家拍緊《大醬園》同《降魔的2.0》。」

有份演出《牛下女高音》嘅鄭敬基亦話:「我唔知呀,不過我同劇組有聯絡,好似話7月會開工。」

Like MisshkNews Facebook!不出门也能知天下事~

發表回覆

你的電郵地址並不會被公開。