《解決師》學生妹大起底,邊個TVB小花吸引你?

解決師》除咗王浩信同唐詩詠嘅主線之外,仲有一班學生妹拉拉隊隊員更相當吸引,呢八位拉拉隊隊員當中,有TVB親生女、亦有KOL網紅!

1、胡美貽

胡美貽喺劇中飾演陳嘉雯,相信大家對佢好熟悉,《2017年度香港小姐競選》落選港姐,宜家係TVB經理人合約藝員,近年唔少劇中都有份出演。

2、郭思

郭思喺劇中飾演曾心怡,本身係模特兒同KOL網紅,今次係佢第一次拍劇,佢曾經為E kids《終止戀愛》擔任MV女主女主角,都試過喺TVB《美女廚房》擔任美女學徒。

3、陳嘉慧

陳嘉慧喺劇中飾演陳佩慧,佢參加第29期TVB電視藝員訓練班入行,佢加入TVB之後拍過三套劇集,雖然都係配角,但係呢次《解決師》已經比之前多對白,算係有進步。

4、彭翔翎

彭翔翎喺劇中飾演何詠詩,佢曾經參加過《第十二屆全校花校草選舉2008》,喺《兄弟》同《救妻同學會》都有份演出,佢嘅社交平臺擁有過萬粉絲,相當強勁。

5、梁雯蔚

梁雯蔚喺劇中飾演周詩婷,2017年度香港小姐競選十強佳麗,客串過電影《三條友飲醉走》同《幸運是我》,亦試過喺北京加入電影公司做後期制作。

6、林映蔚

林映蔚喺劇中飾演沈琪,今次係佢第一次參與拍攝電視劇,佢大學主修新聞及傳播系,大學時期已經有接兼職拍攝工作,曾經短暫做過地產代理。

Like MisshkNews Facebook!不出门也能知天下事~

發佈回覆

你的電郵地址並不會被公開。