《踩過界II》三位客串女神,全部選美出身唔怪咁搶眼

TVB熱播劇集《踩過界II》第六集講到王浩信再一次輸畀張曦雯,不過卻彰顯咗公義。喺呢一集有三位選美出身嘅靚女現身客串,唔知道觀眾識唔識佢哋呢?

呢集見到梁雯蔚喺《踩過界II》客串飾演主播,雖然佢喺劇中就幾得幾秒鏡頭,但佢話:「呢次喺《踩過界II》有好多前輩,主要係觀察同學習,就算冇得講嘢都可以突出自己,係幾有難度。」

梁雯蔚其實喺2017年參選港姐入行,雖然落選港姐不過依然獲得TVB經理人合約,暫時只係做客串演員。

喺梁雯蔚進入TVB之前,其實佢已經喺電影《三條友飲醉走》同《幸運是我》客串過,亦以模特兒身分出道過。

同樣喺《踩過界II》客串飾演主播嘅范文雅,佢喺2010年參加墨爾本華裔小姐競選奪冠,繼而參加國際中華小姐競選入到十強,得到TVB注意,簽約為經理人合約藝人。

范文雅入行十年到而家,主要擔任主播工作,得閑嗰陣會客串劇集,之前曾經喺劇集《白色強人》中飾演阿June!

最后,伍樂怡喺《踩過界II》客串飾演大狀Fiona。

讲到伍樂怡,其实佢喺參加2017年香港小姐競選,喺賽前就畀視為大熱門嘅佢,可惜落選三甲不入,不过最后佢获得「民選港姐冠軍」。

同大多數藝人一樣,伍樂怡喺選美結束之後就入讀第29期藝員訓練班,之後就進入到TVB開始發展其演藝事業,兼夾正式簽約經理人合約,成為TVB「親生女」。

期間伍樂怡都曾參演過唔少劇集,比如《BB來了》、《是咁的,法官閣下》、《兄弟》、《廉政行動2019》等。

據悉,喺跟住落嚟嘅新劇《堅離地愛堅離地》同《BB來了2》中伍樂怡均有份演出,大家不妨一齊拭目以待!

Like MisshkNews Facebook!不出门也能知天下事~

發佈回覆

你的電郵地址並不會被公開。