「三妹」曬超可愛童年相,喻為史上最靚華姐!

TVB劇集《反黑路人甲》正在熱播,劇中王浩信嘅三個細妹包括賴慰玲、傅嘉莉、林宣妤各具性格,當中三妹林宣妤以文青造型示人,備受網民喜愛。

嚟自馬來西亞嘅林宣妤,佢喺2017年參選華姐獲得亞軍之后加入TVB,不過較早前已經離巢回流返大馬發展。

日前林宣妤喺社交平臺曬出幾張童年相,見到佢眼大大,對住鏡頭大擺Pose,當中戴上眼鏡嘅佢個樣都幾得意,估唔到仙氣十足嘅林宣妤細個嗰陣都係一位眼鏡妹!

林宣妤一出道就成為網民心目中嘅女神,更畀封為史上最靚華姐,佢加入TVB馬上有份拍攝《她她她的少女時代》,雖然廣東話未算講得好,但證明TVB絕對肯畀機會!

其實林宣妤喺TVB絕對會畀力捧,佢喺《反黑路人甲》同未出街嘅《使徒行者3》都有唔少戲份,隨時會成功彈起。

不過林宣妤要離開TVB都唔難理解,皆因佢本身係馬來西亞人,離鄉別井嚟香港做嘢,梗係會有思鄉情懷,加埋佢喺馬來西亞人氣愈嚟愈高,絕對係新一代馬來西亞女星。

唔理點樣,都係希望林宣妤喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。